Delehacyja nieaficyjnaha Sajuza palakaŭ na Biełarusi (SPB) na čale z Anžalikaj Borys sustreniecca siońnia z prezidentam Polščy Lecham Kačyńskim.

Jak paviedamiła namieśnik staršyni nieaficyjnaha SPB Anžalika Arechva, delehacyja vyjechała ŭ Varšavu 21 lutaha. U jaje skład, aprača Borys, uvajšli staršynia hałoŭnaha savieta arhanizacyi Andžej Pačobut, namieśnik staršyni Miečysłaŭ Jaskievič i pres‑sakratar Ihar Bancar.

Usie troje byli asudžany 15 lutaha na piać sutak administracyjnaha aryštu za arhanizacyju ŭ Hrodnie niesankcyjanavanaha mitynhu ŭ padtrymku Ivianieckaj arhanizacyi niezarehistravanaha SPB, jakaja padvierhłasia nacisku ŭładaŭ. Ranicaj 20 lutaha jany vyjšli na volu.

Sustreča pradstaŭnikoŭ SPB z prezidentam Polščy adbudziecca pa inicyjatyvie Kačyńskaha.

16 lutaha Kačyński nakiravaŭ Alaksandru Łukašenku list, u jakim vykazaŭ «rašučy pratest u suviazi z rostam represij suprać Sajuza palakaŭ na Biełarusi». Jon nahadaŭ ab mižnarodnych abaviazacielstvach Biełarusi i dvuchbakovym dahavory ab dobrasusiedstvie, družbie i supracoŭnictvie.

Na dumku Kačyńskaha, asabistaje ŭmiašańnie ŭ incydent Alaksandra Łukašenki stała b dokazam, što jon »choča zachavać dobryja adnosiny pamiž dźviuma krainami».

Nahadajem, raskoł Sajuza palakaŭ na Biełarusi adbyŭsia ŭ 2005 hodzie. Častka arhanizacyi aficyjna zarehistravana Ministerstvam justycyi Biełarusi. Nieaficyjnaje kryło SPB na čale z Anžalikaj Borys padtrymlivajuć polskija ŭłady.

Ciapierašni biełaruska‑polski kanflikt uźnik u suviazi ź situacyjaj vakoł Doma polskaha ŭ Iviancy (Vałožynski rajon Minskaj vobłaści), na jaki pretendujuć dva kryły SPB.

17 lutaha sud Vałožynskaha rajona abaviazaŭ dyrektara Doma polskaha Teresu Sobal pakinuć budynak i pieradać jaho kiraŭnictvu miascovaj arhanizacyi zarehistravanaha SPB Stanisłavu Buračeŭskamu. Kiraŭnictva nieaficyjnaha SPB maje namier abskardzić rašeńnie suda.

U Varšavie rychtujecca śpis biełaruskich hramadzian, zamiešanych u parušeńni pravoŭ polskaj mienšaści ŭ Biełarusi, jakim budzie zabaronieny ŭjezd na terytoryju Polščy.

U Minsku zajaŭlajuć pra nieabhruntavanaść pretenzij Varšavy. Jak zajaviŭ na minułym tydni ŭ intervju BiełTA ŭpaŭnavažany pa spravach relihij i nacyjanalnaściej Leanid Hulaka,

«biełaruskija ŭłady nie ŭmiešvajucca ŭ situacyju z Domam polskim u Iviancy».

Kamientujučy mahčymaje ŭviadzieńnie Polščaj ekanamičnych i palityčnych sankcyj u dačynieńni da biełaruskich čynoŭnikaŭ, jon padkreśliŭ: «Biełarusy nie mohuć być pradmietam torhu, tym bolš na ŭzroŭni kiraŭnikoŭ krain».

Vice‑strašynia Jeŭrakamisii Ketryn Eštan zajaviła, što dziejańni biełaruskich uładaŭ u dačynieńni da Sajuza palakaŭ padryvajuć namahańni Jeŭrasajuza pa naładžvańni adnosin ź Biełaruśsiu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?