Darja Domračava, fota BIEŁTA

Darja Domračava, fota BIEŁTA

 Novikaŭ nie zrabiŭ nivodnaha promachu na 4-ch rubiažach, daylife.com

Novikaŭ nie zrabiŭ nivodnaha promachu na 4-ch rubiažach, daylife.com

Čaćvier, 18 lutaha, staŭ ščaślivym dniom dla biełaruskich spartsmienaŭ i naohuł biełaruskich zaŭziataraŭ. Našy bijatłanisty zavajavali adrazu dva miedali na Zimovych Alimpijskich hulniach.

Napačatku ŭ indyvidualnaj honcy ŭ Uistlery Darja Domračava zavajavała bronzu.

Na čatyroch ahniavych rubiažach Darja rabiła adzin promach i prajšła dystancyju za 41 chvilinu 21 siekundy, sastupiŭšy 28,2 siekundy alimpijskaj čempijoncy narviežcy Tury Bierhier (40:52,8), jakaja taksama adnojčy spudłavała na ahniavych rubiažach.

Admietna, što Darja Domračava vyjhrała ažno 36 siekundaŭ u niemki Kaci Vilhielm, jakaja zaniała 4-je miesca.

Srebra u pradstaŭnicy Kazachstana Aleny Chrustalovaj (41,13,5), jakaja raniej vystupała za Biełaruś (Sołt-Lejk-Sici, 2002).

Biełaruska Ludmiła Kalinčyk finišavała 9-j (adzin promach, 42 chviliny 39,1 siekundy). Volha Kudrašova zaniała 16-je miesca (0, 42:39,1). Nadzieja Skardzina — 28-ja (1, 44:09,4).

*** 00:35

Potym prajšła indyvidualnaja honka ŭ mužčyn na 20 km.

Siarhiej Novikaŭ, jaki nie ličyŭsia favarytam honki zavajavaŭ srebra. Jon prabieh dystancyju za 48 chvilin 32 siekundy, nie zrabiŭšy nivodnaha promachu

taki ž vynik pakazaŭ i narviežac Ole-Ejnar Bjorndalen, jaki, praŭda, dvojčy spudłavaŭ.

Ale i Siarhiej Novikaŭ, i Ole-Ejnar Bjorndalen atrymajuć siarebranyja miedali.

Bronzy tut uručacca nie budzie.

Alimpijskim čempijonam staŭ narviežac Emił-Chiohle Svendsan (48:22,5), jaki apiaredziŭ Novikava i Bjorndalena na 9,5 siekundy, zrabiŭšy adzin promach.

Alaksandr Syman zaniaŭ 41-je miesca, Rustam Valiulin — 48-y, Jaŭhien Abramienka — 58-y.

U niadzielu, 21 lutaha, projdzie mas-start i ŭ mužčynaŭ, i žančynaŭ.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?