Mižziemnamorski cykłon, jaki vyznačaŭ u apošnija dni nadvorje ŭ Biełarusi, siońnia prykmietna asłabieŭ i źmiaściŭsia na Maskoŭskuju vobłaść.

Atmaśfierny cisk raście, nadvorje pačało palapšacca, paviedamiła hałoŭny sinoptyk Respublikanskaha hidramieteacentra Volha Fiadotava.

Pavodle jaje słoŭ, da siaredziny tydnia Biełaruś jašče budzie znachodzicca pad upłyvam vobłaści pavyšanaha atmaśfiernaha cisku, sfarmiravanaha ŭ vilhotnych pavietranych masach marskoha pachodžańnia, tamu značnych apadkaŭ nie čakajecca, ale načnyja marazy pamacniejuć.

Tak, u aŭtorak, 16 lutaha, prahnazujecca vobłačnaje z prajaśnieńniami nadvorje. U asobnych rajonach krainy mahčymy nievialiki śnieh, miescami tuman, na darohach hałalodzica. U načnyja hadziny čakajecca 5‑11 hradusaŭ nižej za nul, pry prajaśnieńniach tempieratura pavietra panizicca da minus 13‑16 hradusaŭ. Dniom budzie 3‑10 hradusaŭ marozu.

U noč na 17 lutaha słupok termomietra apuścicca da adznaki minus 7‑14 hradusaŭ, pry prajaśnieńniach — minus 15‑20 hradusaŭ. U sieradu dniom tempieratura pavietra budzie vahacca ad 2 hradusaŭ marozu pa paŭdniovym zachadzie da minus 11 hradusaŭ pa paŭnočnym uschodzie.

Z čaćviarha, 18 lutaha, na terytoryju Biełarusi pastupova pačnie raspaŭsiudžvacca bolš vilhotnaje pavietra z paŭdniovaha zachadu Jeŭropy. Nočču jašče budzie marozna: ad minus 3 hradusaŭ pa paŭdniovym zachadzie da minus 18 hradusaŭ pa paŭnočnym uschodzie krainy. Dniom prahnazujecca nul — minus 7 hradusaŭ.

U piatnicu, 19 lutaha, značnuju častku terytoryi Biełarusi achopiać apadki: śnieh, mokry śnieh, pa poŭdni — z daždžom.
Nie vyklučany hałalodnyja źjavy. Tempieratura pavietra na praciahu sutak składzie ad nula da minus 5 hradusaŭ, tolki nočču pa poŭnačy krainy čakajecca da minus 8 hradusaŭ.

U vychadnyja dni pad upłyvam aktyŭnych atmaśfiernych frantoŭ charaktar nadvorja budzie niaŭstojlivym. Projduć śnieh, mokry śnieh, miescami doždž, i, jak vynik, darohi stanuć ślizkimi. U niadzielu, 21 lutaha, u asobnych rajonach mahčyma miacielica.

Sinoptyki abiacajuć u vychadnyja ad nula da 5 hradusaŭ marozu, u subotu dniom — ad 3 hradusaŭ marozu da 3 hradusaŭ ciapła
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?