Lider nieaficyjnaha Sajuza palakaŭ na Biełarusi Anžalika Borys aštrafavana na 30 bazavych vieličyniaŭ (1 młn. 50 tys. rubloŭ).

Sud Leninskaha rajona Hrodna pryznaŭ jaje vinavataj u arhanizacyi 10 lutaha ŭ Hrodnie niesankcyjanavanaha mitynhu ŭ padtrymku Ivianieckaj arhanizacyi SPB, jakuju uznačalvaje Teresa Sobal.

Staršynia hałoŭnaha štaba SPB Andžej Pačobut za arhanizacyju mitynhu asudžany na piać sutak aryštu.

Pakarańnie ŭ vyhladzie piacisutačnaha aryštu siońnia atrymali taksama aktyvisty arhanizacyi Ihar Bancer, Miečysłaŭ Jaskievič i Andžej Pisalnik.

Usiaho, pavodle infarmacyi namieśnika staršyni nieaficyjnaha SPB Anžaliki Arechva, u hety dzień u roznych miescach Biełarusi było zatrymana prykładna 40 aktyvistaŭ abjadnańnia. Jany nakiroŭvalisia ŭ sud Vałožynskaha rajona, kab padtrymać Teresu Sobal, jakaja abvinavačvajecca ŭ zachopie Doma polskaha ŭ Iviancy. Usie zatrymanyja chutka byli adpuščany.

U kamientary BiełaPAN Anžalika Borys nazvała zatrymańni i sudy «čarhovym aktam nacisku na niezaležnaje hramadskaje abjadnańnie i jaho aktyvistaŭ». Jana taksama paviedamiła, što ŭ suviazi z aryštami aktyvistaŭ SPB moža nie adbycca jaje sustreča z prezidentam Polščy Lecham Kačyńskim. Naviedać Varšavu Borys źbirałasia na hetym tydni, inicyjataram sustrečy vystupiŭ Kačyński.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?