Upłyvovaje polskaje vydańnie źviarnułasia da ministra zamiežnych spraŭ Polščy z zaklikam spynić supracoŭnictva z režymam Łukašenki.

«Ministr zamiežnych spraŭ Polščy Radasłaŭ Sikorski ŭkłaŭ niamała palityčnaha kapitału, kab adkryć dźviery Jeŭropy dla Biełarusi. Hetyja vysiłki nie byli marnymi, bo palityki ŭ mnohich krainach Jeŭrasajuza pryznali nieabchodnaść pryciahnieńnia ŭschodnich susiedziaŭ u zonu stabilnaści i demakratyi, jakaja isnuje ŭ ES. Hulnia z Łukašenkam nialohkaja, bo jon nie pryznaje nijakich praviłaŭ. Akramia taho, u Biełarusi ŭ miežach režymu sutykajucca roznyja siły i častka ź ich dakładna zacikaŭlenaja ŭ spynieńni „paciapleńnia“ adnosinaŭ z Varšavaj i Bruselem.

Adnak

ni adna jeŭrapiejskaja kraina nie moža tryvać spłanavany i usio bolš vyčvarny pieraśled svaich suajčyńnikaŭ, jakija žyvuć za miažoj.

Na praciahu niekalkich tydniaŭ režym Łukašenki praviaraje ciarpieńnie Varšavy. Chapun palakaŭ ciahniecca ź siaredziny minułaha tydniu. Siońnia ranicaj zatrymana ažno 40 aktyvistaŭ, u tym liku kiraŭnica Sajuza palakaŭ u Biełarusi Anžalika Borys. Heta ŭžo zanadta.

Śmiechu vartyja nahody siońniašnich zatrymańniaŭ pakazvajuć, što režym nie źviartaje ŭvahi na papiaredžańni Varšavy.

Jakaja karyść ad žorstkaj piatničnaj razmovy ministra Sikorskaha z kiraŭnikom MZS Biełarusi Martynavym? Što jašče musić zrabić z palakami biełaruskaja ŭłada, kab Polšča zreahavała bolš vostra, a Jeŭropa padtrymała? Čamu maŭčyć kiraŭnica MZS Jeŭrasajuza baranesa Eštan?
Ci jana taksama ličyć, što prablema palakaŭ u Biełarusi źjaŭlajucca pryvatnaj spravaj Minska?

Spadaru ministr Sikorski, čas skazać „dosyć“. Bo praz chvilinu moža stać zapozna».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?