Trahiedyja adbyłasia 12 lutaha prykładna ŭ 17.00 u pryvatnym draŭlanym žyłym domie, dzie žyła maładaja siamja z dvuma dziećmi. Pavodle papiarednich źviestak, baćka išoŭ z pracy damoŭ, maci — išła na pracu, kudy jaje vyklikali.

Ich dzieci, šaścihadovy i dvuchhadovy chłopčyki, niepraciahły čas zastavalisia doma adny. Pažar zaŭvažyła susiedka, jakaja vyklikała ratavalnikaŭ.

Padčas tušeńnia pažaru ratavalniki znajšli ŭ žyłym pakoi, dzie byŭ ačah uzharańnia, cieła dvuchhadovaha dziciaci, u inšym — šaścihadovaha ŭ stanie nieprytomnaści. Jon pamior pa darozie ŭ balnicu.

Pryčynu pažaru ŭstanaŭlivaje śpiecyjalna stvoranaja kamisija.

Pavodle najaŭnaj infarmacyi, dzieci byli adrezany ahniom ad vychadu z domu.

10 lutaha ŭ haradskim pasiołku Ružany Pružanskaha rajona ŭ vyniku pažaru ŭ pryvatnym žyłym draŭlanym domie taksama zahinuli dvoje małaletnich dziaciej, chłopčyk 2005 hoda naradžeńnia i jaho siastra 2008‑ha. Papiaredniaja pryčyna pažaru — dziciačyja hulni z ahniom.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?