70-hodździe piśmieńnik adśviatkavaŭ u minskim Čyrvonym kaściole.

Śviatkavańnie adbyłosia ŭ chramie niezdarma. Piśmieńnik, jaki razam z synami vałodaje harełačnym zavodam BIEŁPI, moh by sabie dazvolić i kudy bolšuju zału. Ale dla aŭtara «Žaleznych žałudoŭ» i «Miača kniazia Viački» heta było simvalična. Bo Leanid Dajnieka tolki paru hadoŭ tamu pačaŭ chadzić u kaścioł.

Jubilej — heta zaŭsiody padarunki i ŭznaharody. Staršynia Sajuza biełaruskich piśmieńnikaŭ Aleś Paškievič paviedamiŭ, što

28 studzienia Mižnarodnaja asacyjacyja piśmieńnikaŭ marynistaŭ i batalistaŭ uhanaravała sp. Dajnieku premijaj imia Valancina Pikula za sieryju histaryčnych ramanaŭ.

I ŭžo dniami razam z dypłomam jon pavinien atrymać załaty miedal.

«Da maładości my naŭrad ci vierniemsia», — dvuchsensoŭna skazaŭ były redaktar časopisa «Maładość» Vasil Zujonak. Ci jon mieŭ na ŭvazie litaraturna-mastackaje vydańnie, jakoje siońnia znachodzicca «pad kryłom» łukašenkaŭskaha Sajuza piśmieńnikaŭ, ci maładyja hady, paet nie patłumačyŭ. Zrazumieła, što ni pieršy varyjant, ni tym bolš druhi nie mahčymyja. Dy i sam Dajnieka adznačyŭ, što vychodzić ź niezaležnaha SBP nie źbirajecca.

Pavinšavać jubilara pryjechała delehacyja z rodnaha piśmieńniku Kličava. Siarod ich byŭ i «rabotnik niabačnaha frontu» — načalnik ideałahičnaha adździeła Kličaŭskaha rajvykankama. Pramova była niepraciahłaja, ale pa-biełarusku.

«Praktyka takaja budzie, pakul buduć haziety», — aburaŭsia sa sceny Uładzimir Damaševič. U «Narodnaj Voli» skaracili jaho artykuł pra siabra i źmianili zahałovak. Piśmieńnik skarystaŭsia momantam, kab začytać vyrazanyja kavałki.

Siarhiej Zakońnikaŭ byŭ niekali taki samy rudy, jak i Dajnieka. U apošniaha, praŭda, i da siońnia zachavalisia na hałavie napaminy ab maładości. A voś u paeta Zakońnikava — tolki sivaja šavialura. A jašče z maładości pobač ź Leanidam Marcinavičam zastałasia jaho nadziejnaja siabroŭka — žonka Zinaida.

Vy — Leanid.

Ja — Leanid.

My bałujemsia vieršami.

Z usich cudoŭnych Zinaid

Vy vybrali najlepšuju.

Dekłamavaŭ Leanid Drańko-Majsiuk.

Uvieś viečar hučali vieršy, pieśni. Śpiavali Aleś Kamocki, Taćciana Biełanohaja. A hurt «Stary Olsa» staŭ užo zaŭsiodnikam na siamiejnych śviatach Dajniekaŭ.

Siamidziesiacihodździe.

Siamidziesiacihodździe.

Leanid Dajnieka pačaŭ chadzić u kaścioł.

Leanid Dajnieka pačaŭ chadzić u kaścioł.

Syny piśmieńnika Siarhiej, Źmicier, Ściapan.

Syny piśmieńnika Siarhiej, Źmicier, Ściapan.

Uładzimir Damaševič narakaŭ na «Narodnuju volu».

Uładzimir Damaševič narakaŭ na «Narodnuju volu».

Siarhiej Zakońnikaŭ byŭ niekali taki samy rudy, jak i Dajnieka. U apošniaha, praŭda, i da siońnia zachavalisia na hałavie napaminy ab maładości.

Siarhiej Zakońnikaŭ byŭ niekali taki samy rudy, jak i Dajnieka. U apošniaha, praŭda, i da siońnia zachavalisia na hałavie napaminy ab maładości.

Taćciana Biełanohaja.

Taćciana Biełanohaja.

«Stary Olsa» staŭ užo zaŭsiodnikam na siamiejnych śviatach Dajniekaŭ.

«Stary Olsa» staŭ užo zaŭsiodnikam na siamiejnych śviatach Dajniekaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?