Adzin z samych viadomych spartsmienaŭ XX stahodździa, lehienda suśvietnaha chakieja kanadziec Uejn Hrecki pryjechaŭ u Minsk.

U stalicy Biełarusi jon maje namier abmierkavać pierśpiektyvy supracoŭnictva dźviuch samych mocnych suśvietnych chakiejnych lih — KCHŁ i NCHŁ, a taksama naviedać 30 studzienia matč zorak KCHŁ u «Minsk-Arenie».

Jak paviedamiŭ Uejn Hrecki 30 studzienia na pres-kanfierencyi ŭ Minsku, jon paśpieŭ aznajomicca z vydatnymi miaścinami biełaruskaj stalicy, daviedacca pra jaje historyju.

Razam z tym z-za ščylnaha hrafiku ŭ jaho nie było mahčymaści sustrecca sa svaimi svajakami, jakija žyvuć u Biełarusi.

Uejn Hrecki paviedamiŭ, što jaho baćka maje namier pryjechać u Biełaruś letam, kab ubačyć svajakoŭ.

Taksama padčas svajho znachodžańnia ŭ Minsku Hrecki paśpieŭ zhulać u chakiej z Alaksandram Łukašenkam i hałoŭnym trenieram alimpijskaj zbornaj Biełarusi Michaiłam Zacharavym. Havoračy pra ŭražańni ad hulni, Hrecki iranična adznačyŭ:

«Ja spadziajusia, što jak trenier alimpijskaj zbornaj Michaił Zacharaŭ lepšy, čym jak hulec».

Uejn Hrecki byŭ pryjemna ździŭleny tym, što jaho vobraz budzie skarystany na aficyjnaj emblemie pa chakiei 2014 hoda, jaki projdzie ŭ Biełarusi.

Adkazvajučy na pytańnie, ci źbirajecca jon znoŭ zhulać za kamandu prafiesijanałaŭ, jak heta zrabiŭ niadaŭna ŭ adnym z matčaŭ KCHŁ Viačasłaŭ Fiacisaŭ, 49-hadovy znakamity kanadziec adkazaŭ, što «zanadta stary dla hetaha».

U svaju čarhu prezident KCHŁ Alaksandr Miadźviedzieŭ zajaviŭ, što ad udziełu takich ludziej, jak Uejn Hrecki, u naładžvańni ŭzajemadziejańnia pamiž KCHŁ i NCHŁ budzie zaležać raźvićcio suśvietnaha chakieja. Pytańnie zaklučeńnia kompleksnaha pahadnieńnia pra takoje ŭzajemadziejańnie pamiž lihami budzie abmiarkoŭvacca padčas Alimpijady ŭ Vankuviery. Heta pahadnieńnie budzie achoplivać pytańni tranśfieru hulcoŭ, a taksama supracoŭnictva na kłubnym uzroŭni.

***

Uejn Duhłas Hrecki — lehiendarny kanadski chakieist, centralny napadajučy. U 1978 hodzie pierajšoŭ u kłub «Edmantan Ojlerz», ź jakim čatyry razy vyjhraŭ Kubak Stenli. U Nacyjanalnaj chakiejnaj lizie, dzie Hrecki atrymaŭ mianušku «Vialiki», jon ustanaviŭ 61 rekord i nieadnarazova zavajoŭvaŭ indyvidualnyja pryzy lihi (uklučajučy 9 pryzoŭ samamu kaštoŭnamu hulcu i 10 — lepšamu bambardziru siezona).

Uejn Hrecki maje biełaruskija karani. U pačatku XX stahodździa dzied Hrecki — Anton — imihryravaŭ u Kanadu z-pad Hrodna.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?