Ukaz № 54 «Ab kadeckich vučyliščach» padpisaŭ 28 studzienia Alaksandr Łukašenka.

«Kadeckija vučyliščy mohuć adkryvacca abłasnymi i Minskim haradskim vykanaŭčymi kamitetami «ŭ metach stvareńnia ŭmoŭ dla padrychtoŭki hramadzian da słužby va Uzbrojenych siłach, inšych vojskach i voinskich farmiravańniach, orhanach unutranych spraŭ, orhanach i padraździaleńniach pa nadzvyčajnych situacyjach», paviedamlaje pres-słužba prezidenta.

Ukazam zaćvierdžana Pałažeńnie ab kadeckim vučyliščy, jakim vyznačany asnoŭnyja mety i zadačy dziejnaści, praviły pryjomu, asablivaści arhanizacyi adukacyjnaha pracesu i pobytu kadetaŭ.

Vučylišča — heta ahulnaadukacyjnaja ŭstanova, u jakoj navučajucca i vychoŭvajucca vučni 8—11 kłasaŭ.

Asnoŭnaj zadačaj vučylišča źjaŭlajecca zabieśpiačeńnie atrymańnia kadetami ahulnaj bazavaj i ahulnaj siaredniaj adukacyi, a taksama pieršasnych viedaŭ i navykaŭ vajennaj spravy. Stvareńnie kadeckich vučyliščaŭ płanujecca na bazie dziejnych škoł-internataŭ.

Pryjom u kadeckaje vučylišča budzie ažyćciaŭlacca pa konkursie na padstavie ŭstupnych ekzamienaŭ i z ulikam vynikaŭ miedycynskaha ahladu, psichałahičnaha adboru, uzroŭniu fizičnaj padrychtoŭki. Dzieci-siroty i dzieci vajennasłužačych, jakija zahinuli (pamierli) pry vykanańni abaviazkaŭ vajennaj słužby, zaličvajucca ŭ vučylišča biez ustupnych ekzamienaŭ.

Pryniaćcie ŭkaza «skiravana na adkryćcio ŭstanoŭ adukacyi novaha typu, nakiravanych na farmiravańnie ŭ maładoha pakaleńnia pačućcia patryjatyzmu, dyscyplinavanaści i adkaznaści, zdolnaści stojka pieranosić ciažkaści, a taksama na zabieśpiačeńnie žyćciovaha ŭładkavańnia dziaciej-sirot i dziaciej vajennasłužačych, jakija zahinuli (pamierli) pry vykanańni abaviazkaŭ vajennaj słužby».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?