Prezident Turkmienistana Hurbanhuły Bierdymuchamiedaŭ upieršyniu naviedaje Biełaruś z aficyjnym vizitam 25—26 studzienia.

Pra heta jon paviedamiŭ 22 studzienia na pasiadžeńni Kabinieta ministraŭ, na jakim abmiarkoŭvalisia pytańni padrychtoŭki vizitu.

«Prahrama hetaha vizitu vielmi nasyčanaja, što śviedčyć ab tym značeńni, jakoje nadajecca ŭmacavańniu adnosinaŭ i ŭsiebakovamu pašyreńniu supracoŭnictva našaj krainy z Respublikaj Biełaruś», — cytuje Bierdymuchamiedava ahienctva Riehnum Novosti.

Na jaho dumku, «turkmiena‑biełaruskaje partniorstva maje bahaty pazityŭny vopyt sumiesnaj pracy, nazapašany apošnimi hadami, i salidny patencyjał, jaki nieabchodna zadziejničać u poŭnaj stupieni». U suviazi z hetym Bierdymuchamiedaŭ daručyŭ adpaviednym kiraŭnikam «zabiaśpiečyć vynikovaść hetaha vizitu i pieramoŭ na vyšejšym uzroŭni, zaklikanych nadać tradycyjnamu miždziaržaŭnamu dyjałohu novuju dynamiku raźvićcia, jakaja adpaviadaje ŭzajemnym intaresam».

«Varta adznačyć važnaść pracy turkmiena‑biełaruskaj mižuradavaj kamisii ŭ kantekście aktyvizacyi i dyviersifikacyi ŭzajemavyhadnych dvuchbakovych suviaziej, naroščvańnia tavaraabarotu pamiž dźviuma krainami, u tym liku za košt pašyreńnia namienkłatury tavaraŭ, a taksama pavieličeńnia abjomaŭ ekspartu pradukcyi ajčynnych vytvorcaŭ», — skazaŭ jon.

Jak raniej paviedamlałasia, Alaksandr Łukašenka asabista zaprasiŭ Hurbanhuły Bierdymuchamiedava naviedać Biełaruś padčas vizitu ŭ Turkmienistan u červieni 2009 hoda.

***

Tady pavodle vynikaŭ pieramoŭ kiraŭniki dziaržaŭ padpisali pratakoł da pahadnieńnia ab doŭhaterminovym supracoŭnictvie ŭ śfiery pastavak u Turkmienistan sielskahaspadarčaj, aŭtamabilnaj, aŭtobusnaj i inšaj techniki, zaklučanaha ŭ mai 2002 hoda ŭ Ašhabadzie, a taksama sumiesnaje kamiunikie.

Byŭ zaklučany kantrakt na zakupku traktaroŭ «Biełarus» i zapčastak da ich. Biełaruś na praciahu dzieviaci miesiacaŭ pavinna pastavić u Turkmienistan 1,5 tys. adzinak techniki MTZ na 33 młn. dalaraŭ.

Padpisany pahadnieńni ab mižnarodnych aŭtamabilnych pasažyrskich i hruzavych znosinach, ab supracoŭnictvie ŭ ekanamičnaj śfiery, u mytnych spravach, ab supracoŭnictvie i ŭzajemnaj dapamozie pa pytańniach vykanańnia padatkovaha zakanadaŭstva, a taksama ŭ śfiery sportu i turyzmu, druku i infarmacyi, navuki i technałohij, kultury, adukacyi, achovy zdaroŭja i miedycynskaj navuki.

Pavodle źviestak biełaruskaj statystyki, Turkmienistan pa abjomie tavaraabarotu i ekspartu biełaruskaj pradukcyi zajmaje siomaje miesca siarod krain SND. U 2008 hodzie tavaraabarot pamiž krainami skłaŭ amal 50 młn. dalaraŭ, za čatyry miesiacy 2009 hoda — 12,4 młn. dalaraŭ.

U struktury biełaruskaha ekspartu ŭ Turkmienistan asnoŭnuju dolu składajuć traktary, darožnaja technika, hruzavyja aŭtamabili, a taksama płastmasavaja tara, tkaniny, hałaŭnyja ŭbory, formy dla mietałaliciejnaj vytvorčaści.

Aficyjna paćvierdzić infarmacyju pra vizit prezidenta Turkmienistana ŭ Biełaruś pakul nie ŭdałosia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?