Minuŭ hod paśla sustrečy staršyni Tavarystva biełaruskaj movy Aleha Trusava i kiraŭnika Nacyjanalnaj dziaržteleradyjokampanii Alaksandra Zimoŭskaha. Jana adbyłasia 27 studzienia 2009 hoda ź inicyjatyvy staršyni TBM. Tady A.Trusaŭ ahučyŭ siem prapanoŭ kiraŭnictvu NDTRK pa vypraŭleńni moŭnaj palityki dziaržaŭnaha telebačańnia.

Nahadajem, A.Zimoŭski pahadziŭsia ź piaćciu punktami: zasnavać na adnym ź dziaržaŭnych telekanałaŭ pieradaču «Havorym pa‑biełarusku»; stvaryć cykł biełaruskamoŭnych pieradač na histaryčnuju tematyku; zrabić pieradaču, pryśviečanuju 10‑j hadavinie Mižnarodnaha dnia rodnaj movy; raz na miesiac ładzić na telebačańni tematyčnyja kruhłyja stały pa pytańniach biełaruskaj movy i kultury z udziełam niezaležnych hramadskich arhanizacyj; adnavić dublaž zamiežnych filmaŭ na biełaruskuju movu.

Dźvie prapanovy TBM (zrabić Pieršy nacyjanalny kanał całkam biełaruskamoŭnym i rabić źnižku za rekłamu pa‑biełarusku) nie znajšli vodhuku. A.Zimoŭski adznačyŭ, što pytańni patrabujuć «asobnaha detalnaha razhladu».

Što ž z abiacanaha było zroblena za hod? A.Trusaŭ tak kamientuje vyniki:

«Stvorana na ANT pieradača «Havorym pa‑biełarusku», i my vielmi hetym zadavolenyja.
Zaraz iduć pieramovy pa źjaŭleńni anałahičnaj na Pieršym kanale. Što datyčyć cykła biełaruskamoŭnych pieradač na histaryčnuju i kulturnickuju tematyku, u niejkaj stupieni heta realizavana na ANT. Tam isnuje pieradača pra historyju biełaruskich słoŭ. Byli pieradačy, pryśviečanyja Dniu rodnaj movy».

Na dumku A.Trusava, pavisła ŭ pavietry abiacańnie raz na miesiac ładzić na telebačańni abmierkavańnie prablem nacyjanalnaj movy i kultury. «Było tok‑šou «Vybar», pryśviečanaje staŭleńniu da movy i kultury. Ale paśla taho, jak dziesiać tysiač hledačoŭ vykazałasia ŭ padtrymku nacyjanalnych kaštoŭnaściaŭ, na telebačańni spałochalisia».

Kolkaść mastackich filmaŭ, dublavanych na biełaruskuju movu, nie pavialičyłasia, kaža A.Trusaŭ. Dadamo: byŭ nul i zastaŭsia nul.

Zatoje pry kancy 2009‑ha Biełteleradyjokampanija pieraviała na biełaruskuju movu rehijanalnyja naviny, adznačaje A.Trusaŭ. Heta, napeŭna, i było samym važnym krokam da biełarusizacyi BT. Karacieńkaja pieradača «Havorym pa‑biełarusku» z ekzatyčnym viadučym šmat dla kaho zastaniecca niezaŭvažnaj cikavostkaj, a štodzionnyja biełaruskamoŭnyja naviny ź ich vysokim hladackim rejtynham buduć mieć bolšy efiekt.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?