Aŭtar znakamitaj apovieści «Historyja kachańnia» («Love Story») amierykanski piśmieńnik i scenaryst Eryk Sihał (Erich Segal) pamior u vyniku sardečnaha prystupu na 73-m hodzie žyćcia.

Pavodle 29‑hadovaj dački Sihała Frančeski, piśmieńnik, jaki ciaham 25 apošnich hadoŭ pakutvaŭ na chvarobu na Parkinsana, pamior u niadzielu ŭ svaim domie ŭ Łondanie, jaho pachavańnie prajšli ŭ aŭtorak.

U 1967 h. Sihał napisaŭ scenar kultavaha multyplikacyjnaha filma «Žoŭtaja padvodnaja łodka» na adnajmiennuju pieśniu lehiendarnaj brytanskaj rok‑hrupy «Bitłz» (The Beatles).

U 1970 hodzie vyjšaŭ u śviet jaho samy znakamity tvor ‑‑ «Historyja kachańnia», jaki staŭ bestseleram, razyšoŭšysia nakładam bolš za 30 miljonaŭ ekziemplaraŭ.

U tym ža hodzie pavodle ramana byŭ źniaty adnajmienny mastacki film,
jaki ŭdastoiŭsia adrazu siami naminacyj na «Oskara», u tym liku i za najlepšy scenaryj. U vyniku stužka atrymała adzin «Oskar» za muzyku — aŭtar Frensis Łej — da filma, paviedamlajuć rian.ru

***

Apovieść «Historyja kachańnia» pa-biełarusku (pierakład Alesia Astašonka)

Što možna skazać pra dziaŭčynu, jakaja pamierła ŭ dvaccać piać hadoŭ?

Клас
0
Панылы сорам
0
Ха-ха
0
Ого
0
Сумна
0
Абуральна
0