Mahiloŭski «Dniapro» zaviaršyŭ vystupleńnie na futbolnym Kubku Sadružnaści ŭ Maskvie. U čverćfinale kamanda Andreja Skarabahaćki prajhrała akciubinskamu «Aktobe».

Kazachi chutka adkryli lik, a potym padvoili pieravahu. «Dniapru» atrymałasia jašče ŭ pieršym tajmie adzin hoł adyhrać, što pakidała spadziavańni na stanoŭčy vynik.

Adnak paśla pierapynku «Aktobe» zmahło zabić jašče raz, i źniać usie pytańni pra pieramožcu — 3:1.

Cikava, što hod tamu akciubincy na hetaj samaj stadyi vybili jašče adzin biełaruski kłub — MTZ‑RIPA. Ale tady minčanie prajhrali z bujnym likam.

U paŭfinale ŭ piatnicu «Aktobe» pazmahajecca ź pieramožcam pary «Dynama» (Kijeŭ) — «Ekrenas» (Paniaviežas). Finał Kubka Sadružnaści projdzie ŭ niadzielu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?