Uśled za kryminalnaj spravaj Taresu Sobal napatkała i vyklučeńnie z aficyjnaha SPB. Abviestki ab hetym źjavilisia pa ŭsim Iviancy. Rašeńnie ab vyklučeńni prymałasia ŭ Hrodnie, biez papiaredniaha ŭzhadnieńnia ź miascovaj arhanizacyjaj. Heta źjaŭlajecca parušeńniem statuta SPB, bo rašeńnie ab vyklučeńni Taresy Sobal mahła prymać mienavita tolki ivianieckaja filija.

Mała taho, navina ab vyklučeńni Taresy Sobal i ab praviadzieńni źjezda SPB u Iviancy źmieščanaja ŭ miascovaj rajoncy. Takim čynam ab padziejach u stanie arhanizacyi jaje siabry daviedalisia sa staronak dziaržaŭnaj haziety, a nie ad kiraŭnictva Domu Polskaha.

Niehledziačy na takija akaličnaści, u schodzie źbirajucca pryniać udzieł i pradstaŭniki niepryznavajemaha ŭładami SPB na čale z Anžalikaj Borys.

«My vyrašyli pryniać udzieł. Tut, u Iviancy, usie viedajuć Taresu Sobal. Usie bačać, jaki cisk na jaje akazvajecca na praciahu apošniaha hoda» – raspavioŭ «NN» aktyvist arhanizacyi Andrej Pačobut.

U siadzibie praŭładnaha SPB infarmacyju ab tym, što zaŭtra S.Siamaška, jaho kiraŭnik, źbirajecca ŭ Ivianiec, padćvierdzili. Adnak prakamientavać apisanyja vyšej padziei admovilisia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?