Adbor pradstaŭnika Biełarusi na mižnarodny konkurs pieśni «Jeŭrabačańnie‑2010» projdzie ŭ zakrytym farmacie.

Pra heta na pres‑kanfierencyi 20 studzienia ŭ Minsku paviedamiŭ namieśnik staršyni Biełteleradyjokampanii Alaksandr Martynienka.

Pavodle jaho słoŭ, praviły darosłaha »Jeŭrabačańnia» praduhledžvajuć niekalki varyjantaŭ adboru ŭdzielnika. Heta moža być konkursny adbor, jaki raniej pravodziŭsia ŭ farmacie prajekta »JeŭraFest», abo vyznačyć artysta moža Biełteleradyjokampanija. Jak paviedamiŭ Martynienka, pakul vyrašajecca pytańnie, budzie vybirać kankursanta žury abo śpiecyjalna sfarmiravanaja fokus‑hrupa.

Pradstaŭnik Biełarusi na «Jeŭrabačańni» ŭ Osła budzie vybrany ź liku artystaŭ, jakija dasłali zajaŭku na konkurs.

Martynienka padkreśliŭ, što biełaruski ŭdzielnik «Jeŭrabačańnia» vyznačycca na praciahu najbližejšaha miesiaca. Užo ŭ sakaviku Biełteleradyjokampanija pavinna padać aficyjnuju zajaŭku z fanahramaj, bijahrafijaj artysta i inšymi dakumientami ŭ Jeŭrapiejski viaščalny sajuz.

Nahadajem, raniej mierkavałasia, što sioleta arhanizacyjaj konkursu ŭ Biełarusi budzie zajmacca telekanał ONT. Adnak heta mahčyma tolki paśla pryniaćcia telekanała ŭ Jeŭrapiejski viaščalny sajuz. Hetaje pytańnie sajuzam moža być razhledžana tolki letam. Mižnarodny konkurs «Jeŭrabačańnie‑2010» projdzie ŭ Narviehii z 25 pa 29 maja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?