Asablivaj uvahi hetymi dniami patrabujuć dzieci,

dla jakich zimovy špacyr, hulnia ŭ śniežki ci katańnie na kańkach — zaŭsiody radaść.

Apranajcie ich ciopła, ale nie pieratvarajcie małoha ŭ «kapustu». Adna kofta z naturalnaj bavoŭny sahreje lepiej, čym try kofty ź sintetyki.

Rastłumačcie dzieciam, jak treba pavodzić siabie.

Ale pamiatajcie, pieraściaroha kštałtu: «Nie ablizvaj mietaličnuju trubu — jazyk prylipnie», moža vyklikać žadańnie pravieryć hetuju teoryju.

Taksama hrupu ryzyki składajuć žančyny.

Upryhožanaja branzaletami, zavušnicami i pirsinham u nosie pryhažunia — dy jašče i biez šapki, kab nie papsavać pryčosku, — maje ŭsie šancy abmarozicca.

Mietały — dobryja pravadniki nie tolki ciapła, ale i choładu, tamu zimoj lepš admovicca ad upryhožvańniaŭ na nieabaronienych častkach cieła.

Nielha zabyvacca na ciopły i zručny abutak. Lepš boty na toŭstaj padešvie

— u ich vy nie zamierźniecie, navat kali pryjdziecca paŭhadziny prastajać u čarzie na maršrutku.

Pieršaja prykmieta abmaražeńnia — źbialeli nos, vušy, palcy ruk i noh.

Nie śpiašajciesia raścirać abmarožanyja častki cieła rukami, tkaninaj, śpirtam, bo ad raścirańnia mohuć ŭtvarycca tromby!

Paškodžanyja ŭčastki skury zakrucicie suchim kampresam ź niekalkich słajoŭ vaty.

Nie ŭžyvajcie ałkahol i kavu!

Taki «ŭdar» pa zvužanych sasudach moža pryvieści da ich rezkaha rasšyreńnia i razryvu, unutranaha krovaźlićcia i parušeńnia raboty serca. Vypicie lepš ciopłaj harbaty.

Možna hreć abmarožanyja ruki i nohi pad strumieniem vady: spačatku chaładnavataj, potym ciopłaj. Rabić takuju praceduru treba chvilin 30‑40. Kali praź niekatory čas adčujecie bol, śvierb, značyć, usio ŭ paradku! U vas adnaŭlajecca krovazvarot. Ale, kali bol nie ścichaje, — vyklikajcie doktara.

Kali raptam na vašym šlachu sustreniecca čałaviek, jaki lažyć na śniezie, nie śpiašajciesia advieści vočy i rabić paśpiešlivyja vysnovy. U takuju ściužu jahonaje žyćcio zaležyć ad vas. Vyklikajcie «chutkuju dapamohu».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?