Jak paviedamiła «Interfaksu» krynica ŭ dziaržaŭnych strukturach, kancern «Biełnaftachim» padrychtavaŭ prajekt zahadu, jaki praduhledžvaje pavyšeńnie ŭnutranych koštaŭ na naftapradukty z 21 studzienia. Padvyšeńnie ŭ siarednim moža skłaści 10%.

I choć inicyjatyva kancernu nie padtrymana šeraham dziaržaŭnych viedamstvaŭ, «Biełnaftachim» arhumientuje nieabchodnaść takoha kroku stratnaściu ad realizacyi naftapraduktaŭ na ŭnutranym rynku i paharšeńniem ŭmovaŭ ich ekspartu. Aproč taho, ad 1 studzienia na 9% pavialičanyja staŭki akcyzaŭ na naftapradukty.

Pakazalna, što pavyšeńnie ŭnutranych koštaŭ, uklučna z roźničnymi cenami na paliva, całkam znachodzicca ŭ kampietencyi «Biełnaftachimu».

Kancern navat nie abaviazany ŭzhadniać niepapularnyja kroki ź Ministerstvam ekanomiki, jakoje jość aficyjnym orhanam cenaŭtvareńnia.

Apošnim razam košty na naftapradukty padvyšalisia na 10% u vieraśni 2009 hodu. Tady arhumientam byŭ «rost zakupačnych koštaŭ na naftu».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?