Paśla prahladu filma «Avatar» u 3D‑kinateatry pamior 43‑hadovy tajvaniec, pieradaje ahienctva AFP.

Padčas kinasieansu mužčyna źnieprytomnieŭ i byŭ špitalizavany. U balnicy vyśvietlili, što adbyłosia kryvaźlićcio ŭ mozh. Daktary miarkujuć, što stan mužčyny pahoršyŭsia ad emocyj padčas prahladu kinastužki. Heta pieršaja śmierć, źviazanaja z prahladam papularnaha filma Džejmsa Kemierana. Ale mnohija hledačy adznačali hałavakružeńnie, młosnaść i paciamnieńnie ŭ vačach padčas prahladu kinastužki.

Jak akazałasia, hladzieć 3D‑stužki mohuć nie ŭsie. Dyskamfort padčas pakazu abjomnaha kino ŭźnikaje z‑za tak zvanaha «stereaskapičnaha zroku».

Pavodle mierkavańnia śpiecyjalistaŭ, usprymańniu trochmiernaj karcinki taksama zaminaje kasavokaść, efiekt «błukajučych vačej» i ambijapatyja. Technałohija, jakaja vykarystoŭvajecca dla stvareńnia 3D‑efiektu, moža vyklikać u hledačoŭ jašče bolš ciažkija fizičnyja reakcyi.

Tymčasam u Kitai ŭžo zabaranili pakaz «Avatara», pakul tolki ŭ zvyčajnym farmacie. Pryčyna takoha kroku nie tłumačycca. Chutčej za ŭsio, kitajskich cenzaraŭ kłapocić kankurencyja, jakuju hetaja kinastužka składaje ajčynnym filmam. Žychary krainy, jakija ŭžo pahladzieli kino, znajšli anałohii sa svaim žyćciom — pryhniačeńnie bahatymi biednych. Va ŭładaŭ źjavilisia bojaź taho, što kinastužka moža stać pryčynaj bunta. Ale pakolki trochmiernuju viersiju pakazvajuć tolki niekalki kinateatraŭ, da taho ž kaštuje kinasieans doraha — bolšaść kitajcaŭ nie mohuć pahladzieć «Avatar».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?