Ihar Karniej u zale suda. Skrynšot videa
Žurnalista Ihara Karnieja pa etapie adpravili ź Minskaha SIZA-1, što na vulicy Vaładarskaha, u Mahiloŭskaje SIZA, piša Radyjo Svaboda.
Na «Vaładarcy» Ihar Karniej prabyŭ bolš za 8 miesiacaŭ. Taksama svajačka žurnalista paćvierdziła, što raniej jon abskardziŭ vyniesieny jamu prysud.
«Ihara siońnia etapujuć u Mahiloŭ, tam budzie ŭvieś čas padčas apielacyi. Nastroj narmalny, učora byŭ advakat. Siońnia jašče paśpieli pieradać nievialikuju pieradaču», — paviedamiła svajačka Ihara Karnieja.
22 sakavika Minski haradski sud pryznaŭ Ihara Karnieja vinavatym pavodle č. 3 art. 361-1 KK («Udzieł u ekstremisckim farmavańni») i prysudziŭ 3 hady źniavoleńnia i štraf u pamiery 20 tysiač rubloŭ.
0
0
0
0
4
1
