Ukrainskija telehram-kanały śćviardžajuć, što byŭ naniesieny rakietny ŭdar pa karablach Čarnamorskaha fłota, pad udar trapiŭ vuzieł suviazi Čarnamorskaha fłotu, aeradrom Bielbiek.
Rankam zjavilisia śviedčańni, što pad Sievastopalem haryć naftabaza.
Telehram-kanał «Krymski viecier» piša, što vybityja šyby ŭ budynkach byłoha štaba VMS Ukrainy na vuł. Rudnieva ŭ Sievastopali (ciapier tam rasijskaja vajskovaja častka), pryparkavanyja pobač aŭtamabili paškodžanyja.
Pryznačany Rasijaj hubiernatar Sievastopala Michaił Razvažajeŭ zajaviŭ, što ŭnačy adbyłasia samaja masavaja rakietnaja ataka, padčas jakoj było źbita bolš za 10 rakiet. Pavodle jaho infarmacyi, adzin čałaviek zahinuŭ, čaćviora paciarpieli.
ŚMI sa spasyłkaj na vidavočcaŭ paviedamlajuć, što ŭ vyniku abstrełu zaharełasia naftabaza la pasiołka Hvardziejski pad Simfieropalem.
Ukrainskija vajskoŭcy paviedamleńni ab udarach pakul nie kamientavali.
Čytajcie taksama:
U Kramli dali ŭkazańnie dziaržaŭnym i łajalnym uładzie ŚMI padkreślivać u terakcie «ŭkrainski śled»
Vienhryja i Słavakija admovilisia pastaŭlać snarady Ukrainie
Minabarony Rasii choča nabrać u vojski 300 tysiač čałaviek dla nastupu na Charkaŭ
