Fota: STV
Sudździa Siarhiej Kacar prysudziŭ Karnieju try hady źniavoleńnia ŭ kałonii ahulnaha režymu i štraf 20 tysiač rubloŭ, piša Radyjo Svaboda.
Žurnalista abvinavacili va «ŭdziele ŭ ekstremisckim farmavańni» pavodle č. 3 art. 361-1 KK. Z prapahandysckich ŚMI raniej stała viadoma, što jaho pieraśledavali za supracoŭnictva ź Biełaruskaj asacyjacyjaj žurnalistaŭ (BAŽ).
56-hadovaha Ihara Karnieja zatrymali ranicaj 17 lipienia 2023 hoda paśla pieratrusu ŭ jahonaj kvatery.
Spačatku jamu pryznačyli administracyjny aryšt, ale na volu jon nie vyjšaŭ — z Akreścina Ihara pieraviali ŭ SIZA ŭ miežach kryminalnaj spravy za ŭdzieł u ekstremisckim farmavańni (č.3, art. 361).
Spravu razhladaŭ sudździa Siarhiej Kacar. Iharu Karnieju pahražała da šaści hadoŭ kałonii.
Jaho žonka i dočki vyjechali ź Biełarusi na Azorskija vyspy.
Čytajcie taksama:
Žonka i dačka aryštavanaha žurnalista Ihara Karnieja źjechali ŭ Partuhaliju
Słovy padtrymki, jakija pracujuć, a jakija nie — mierkavańnie žonki zatrymanaha
