Prezident Litvy prakamientavaŭ napad na Leanida Vołkava — i zajaviŭ, što Pucina tut «nichto nie baicca» 1

«Niama sumnievaŭ, što takija rečy płanujucca zahadzia… Zrazumieła, što takija rečy płanujucca, i my nie pavinnyja dzivicca. Ale ja žadaju vyrazna zajavić, što słužby daduć acenku, praviaduć rasśledavańnie i, ja spadziajusia, znojduć vinavatych. Pucinu ja mahu skazać tolki adno — tut vas nichto nie baicca», — skazaŭ Naŭsieda padčas svajho vizitu ŭ Francyju.

Napad na Vołkava rasśleduje antyterarystyčnaje padraździaleńnie palicyi Litvy Aras. Namieśnik hienieralnaha kamisara palicyi Saŭlus Tamulavičus paviedamiŭ, što śledstva razhladaje niekalki viersij zdareńnia.

Pa danych palicyi Litvy, na Leanida Vołkava napali ŭviečary 12 sakavika na paŭnočna-ŭschodniaj uskrainie Vilni. Napadnik nie mienš za 15 raz udaryŭ Vołkava małatkom, u apazicyjaniera złamanaja ruka i traŭmavanaja naha, jon nie moža chadzić.

Čytajcie taksama:

Na paplečnika Navalnaha Leanida Vołkava napali ŭ Vilni

Z-błohier z Rasii śćviardžaje, što jahonyja paplečniki napali na Leanida Vołkava 

«Heta taki typovy bandycki pryviet ad Pucina». U Leanida Vołkava dyjahnastavali pierałom ruki paśla taho, jak na jaho napali ŭ Vilni

2

0

1

0

3

1

Nashaniva.com