Barys Nadzieždzin. Fota: Vasilija Pałonskaha
«Mnie zdajecca, što dla krainy było b lepiej, kali b hramadzianie mahli sami vyrašyć, kaho jany chočuć bačyć u biuleteni. Sotni tysiačy čałaviek zajavili ab tym, što chočuć bačyć u im mianie», — skazaŭ palityk u apošnim słovie na sprečkach pierad kalehijaj Viarchoŭnaha suda.
Viarchoŭny sud RF pryznaŭ zakonnym rašeńnie CVK ab niadopusku Barysa Nadzieždzina da vybaraŭ prezidenta 21 lutaha, paśla čaho palityk padaŭ apielacyju. Rašeńnie 4 sakavika kančatkovaje, abskardžvać jaho nielha.
Barys Nadzieždzin byŭ adzinym z patencyjnych kandydataŭ na pasadu prezidenta RF, jaki vystupaŭ suprać uvarvańnia rasijskich vojskaŭ va Ukrainu. Admovu zarehistravać Nadzieždzina ŭ CVK patłumačyli tym, što nibyta znajšli ŭ podpisach za Nadziežyna vialikuju dolu braku, čym dapuščalna pa zakonie.
Takim čynam u vybarčych biuleteniach zastajecca čatyry kandydatury: Uładzimir Pucin, lidar ŁDPR Leanid Słucki, pradstaŭnik KPRF Mikałaj Charytonaŭ i Viačasłaŭ Davankoŭ («Novyja ludzi»).
Prezidenckija vybary ŭ Rasii projduć 15-17 sakavika.
Čytajcie taksama:
Viarchoŭny sud Rasii adchiliŭ pazoŭ Nadzieždzina
Niečakany siurpryz. Pucin admoviŭsia ŭdzielničać u teledebatach
Centrvybarkam Rasii pakazaŭ, jak budzie vyhladać vybarčy biuleteń. Kidajecca ŭ vočy adna detal
