Pa słovach inśpiekcyi pa padatkach i zborach, vypadki, kali błohiery nibyta chavajuć svaje realnyja dachody, pačaścilisia. MPZ zaklikała pierastać rabić «dziciačyja pamyłki, jakija doraha abychodziacca» i zaprasiła błohieraŭ i inšych rabotnikaŭ anłajn-śfiery naviedać ich pres-kanfierencyju «Asablivaści dekłaravańnia dachodaŭ fizičnych asob u 2024 hodzie», jakaja projdzie ŭ pres-centry Doma presy 29 lutaha i budzie tranślavacca anłajn.
«U temu majninhu i abaračeńnia kryptavalut padatkovyja orhany ŭžo ŭnikli i paśpiachova vyjaŭlajuć parušalnikaŭ, a voś u inšych, na pieršy pohlad biaskryŭdnych, anłajn-śfierach my pakul nie śpiašajemsia, a hruntoŭna vyvučajem usie aśpiekty i spadarožnyja ryzyki», — paviedamiŭ tielehram-kanał Upraŭleńnia apieratyŭnych mierapryjemstvaŭ inśpiekcyi MPZ pa Minsku.
U viedamstvie ličać, što nibyta vysokaja rentabielnaść i ananimnaść biznesu ŭ anłajn-śfiery spałučanaja z ryzykami jak dla klijentaŭ i dachodaŭ biudžetu, tak i dla samich uładalnikaŭ anłajn-biźniesu, i pryviali niekalki nahladnych prykładaŭ.
«Adzin błohier, zarehistravany ŭ jakaści indyvidualnaha pradprymalnika, prosta «zabyŭsia pra svaje dachody ŭ RF», u vyniku čaho jamu daviałosia dapłacić kala 200 000 rubloŭ padatku. Inšy błohier, jaki ažyćciaŭlaje svaju dziejnaść u jakaści fizičnaj asoby, «zabyŭsia» padać dekłaracyju ab dachodach, i heta kaštavała jamu 53 000 rubloŭ padatku i pieni.
Dobra jašče toje, što našy kalehi pracavali ź imi ŭ «łajtavym režymie», nakiravaŭšy apaviaščeńni z prapanovaj ab dobraachvotnym vykanańni padatkovaha abaviazacielstva ŭ paradku artykuła 73 Padatkovaha kodeksa RB», — raskazali ŭ viedamstvie.
Inśpiekcyja paabiacała, što nie paškaduje «ŭvahi, času i kampietencyj» dla tych, chto ličyć vypłatu padatkaŭ «anachranizmam».
Čytajcie taksama:
Bajałasia raźmierkavańnia: mazyrskaja błohierka z 2,6 miljona padpisčykaŭ kinuła ŭniviersitet
