Ministerstva antymanapolnaha rehulavańnia i handlu čakaje, što inflacyja ŭ 2024 hodzie składzie mienš za 6%, zajaviŭ kiraŭnik MARH Alaksiej Bahdanaŭ, piša «Sputnik».

«Pa našych raźlikach, sioleta my nie pieravysim prahnozny paramietr pa inflacyi — heta nie bolš za 6 pracentaŭ», — skazaŭ ministr u intervju «SB. Biełaruś siońnia».

Pavodle jaho słoŭ, jość čakańni, što inflacyja budzie navat nižejšaj, «kali nie zdarycca źniešnich fors-mažoraŭ». 

«Pry hetym niekatory «zapas», jakraz na niepradbačanyja vypadki, u nas dakładna budzie», — zapeŭniŭ Bahdanaŭ.

Jon nahadaŭ, što pa vyniku 2023 hoda indeks spažyvieckich cen u Biełarusi atrymaŭsia nižej za metavaje značeńnie i skłaŭ 5,8%. Pry hetym ułady zakładvali prahnoz u 7-8%.

Adnym z faktaraŭ, jakija dazvolili ŭtrymać inflacyju, vystupaje sistema rehulavańnia cen na bolšaść tavaraŭ u ramkach uradavaj pastanovy №713. Akramia taho, źnizilisia siarednija košty impartu na fonie ŭmacavańnia biełaruskaha rubla da valuty Rasii — asnoŭnaha handlovaha partniora Biełarusi.

U MARH adznačajuć, što za 2023 hod ajčynnaja valuta ŭmacavałasia da rasiejskaj prykładna na 10,5%.

«Akramia hetaha, źmienšylisia suśvietnyja ceny na syravinnyja i charčovyja tavary, a taksama ceny vytvorcaŭ sielhaspradukcyi na fonie zapavoleńnia rostu vydatkaŭ. Patańnieła i paliva, prykładna na 4,2%, što adbiłasia na košcie łahistyki», — padkreśliŭ kiraŭnik MARH.

U śniežni ekśpierty Jeŭrazijskaha banka raźvićcia zrabili prahnoz pa ŭzroŭni inflacyi ŭ Biełarusi pa vynikach 2024 hoda. Jany ličać, što rost uzroŭniu cen składzie 8 pracentaŭ.

Svaje dovady analityki arhumientujuć tym, što ŭ 2024 hodzie mahčymaje pasłableńnie biełaruskaha rubla da rasiejskaha i padvyšanaja inflacyja ŭ RF — hetyja faktary buduć akazvać prainflacyjny ŭpłyŭ na biełaruski rynak.

Čytajcie taksama:

Siaredni zarobak u studzieni śpikiravaŭ adrazu na 280 rubloŭ. Ale nie śpiašajciesia zasmučacca

Popyt na valutnyja ŭkłady padaje, a prodažy nieruchomaści bjuć rekordy. U čym pryčyna?

JEABR prahnazuje biełaruskaj ekanomicy samy chutki rost za 10 hadoŭ

Клас
0
Панылы сорам
0
Ха-ха
0
Ого
0
Сумна
0
Абуральна
0