Mikita Žuraviel. Skrynšot videa

Mikita Žuraviel. Skrynšot videa

Prakuratura padčas sprečak u Visaitaŭskim rajonnym sudzie Hroznaha paprasiła asudzić Mikitu Žuraŭla, jaki abvinavačvajecca ŭ spaleńni Karana, da troch z pałovaj hadoŭ pazbaŭleńnia voli. Prysud abvieściać 27 lutaha.

Mikitu Žuraŭla zatrymali ŭ mai 2023 hoda pa spravie ab abrazie pačućciaŭ viernikaŭ. Śledstva ličyć, što jon pa zadańni ŭkrainskich śpiecsłužbaŭ spaliŭ Karan na fonie sabornaj miačeci ŭ Vałhahradzie, paśla čaho pieradaŭ videazapis svaich dziejańniaŭ supracoŭniku SBU. Žuraŭla aryštavali 22 maja, a praź piać dzion jaho dastavili ŭ SIZA ŭ Hroznym.

U siaredzinie žniŭnia ŭpaŭnavažanaja pa pravach čałavieka Taćciana Maskalkova raspaviała, što Žuraviel paskardziŭsia na toje, što ŭ SIZA Hroznaha jaho źbiŭ syn kiraŭnika Čačni, 15-hadovy Adam Kadyraŭ. Paźniej Ramzan Kadyraŭ paćvierdziŭ hetuju infarmacyju. Jon taksama apublikavaŭ videa, na jakim jaho syn źbivaje Žuraviela.

«Pabiŭ i pravilna zrabiŭ», — zajaviŭ tady Kadyraŭ. Jon paraŭnaŭ ludziej, jakija zamachvajucca na Śviatoje Pisańnie, z «poskudziami, jakija nie chočuć, kab u Rasii ŭsie žyli bok ab bok u miry i razumieńni».

Rasijskija siłaviki nijak nie adreahavali na źbićcio Žuraŭla. Kadyraŭ-małodšy paśla hetaha atrymaŭ šeść ordenaŭ, zvańnie Hieroja Čačni i pasadu načalnika adździeła biaśpieki kiraŭnika respubliki.

Čytajcie taksama:

Kadyraŭ publična paškadavaŭ, što jahony syn nie zabiŭ čałavieka ŭ SIZA

«Ty budzieš mnie miła ŭśmichacca». Syn Kadyrava, jaki mocna źbiŭ čałavieka ŭ SIZA, adkazaŭ na krytyku ŭ svoj adras

«Pabiŭ i pravilna zrabiŭ». Ramzan Kadyraŭ apublikavaŭ rolik, u jakim jahony syn žorstka źbivaje čałavieka

Клас
0
Панылы сорам
0
Ха-ха
0
Ого
0
Сумна
0
Абуральна
2