Fota: vecteezy.com
Ministr zamiežnych spraŭ Ekvadora zajaviła ŭ paniadziełak, što jaje kraina bolš nie płanuje adpraŭlać va Ukrainu zbroju savieckich časoŭ.
U studzieni prezident krainy Deniel Nabua abviaściŭ, što Ekvador pahadziŭsia abmianiać rasijskuju vajskovuju techniku, ź jahonych słoŭ, jakaja stała «mietałałomam», na novuju amierykanskuju zbroju koštam blizu 200 młn dalaraŭ, nieabchodnuju dla baraćby z narkakartelami.
Ekvador płanavaŭ adpravić u ZŠA z dalejšaj pierapraŭkaj va Ukrainu šeść rasijskich vajskovych viertalotaŭ, rakietnyja ŭstanoŭki vialikaj dalokaści i sistemy SPA, piša VVS.
Adnak Rasija prystrašyła ŭ adkaz uviadzieńniem embarha na ŭvoz Ekvadorskich bananaŭ i kvietak, spasłaŭšysia na vyjaŭlenych u ich škodnikaŭ.
Ekvador zjaŭlajecca najbujniejšym u śviecie eksparcioram bananaŭ i adnym z najbujniejšych eksparcioraŭ kvietak, u asnoŭnym ruž. Pa dadzienych rasijskich ŚMI, dzieviać z 10 bananaŭ, impartujemych u Rasiju, pastupajuć z Ekvadora.
U piatnicu ministr handlu Ekvadora Sansoles Harsija zajaviŭ, što rasijskaje embarha ŭ dačynieńni da piaci Ekvadorskich kampanij-eksparcioraŭ bananaŭ źniataje.
Ministr zamiežnych spraŭ Habryeła Zomierfield paviedamiła kamitetu Kanhresa ZŠA, što Ekvador pierahledzieŭ svajo rašeńnie.
«Ekvador nie budzie adpraŭlać nijakija vajennyja materyjały ŭ krainu, jakaja ŭciahnutaja ŭ mižnarodny ŭzbrojeny kanflikt», — zajaviła jana.
Samu ž Rasiju deficyt ekvadorskich bananaŭ nie pužaŭ. Kiraŭnik Centra halinovaj ekśpiertyzy Raśsielhasbanka Aleh Kniaźkoŭ papiaredziŭ hramadzian, što praź miesiac u Rasii pačniecca deficyt bananaŭ, i samaje razumnaje ŭ hetaj situacyi, na jaho dumku, — heta pačać vyroščvać banany ŭ Rasii, naprykład u Krasnadarskim krai.
Čytajcie taksama:
Biełaruś pavialičvaje ekspart soli ŭ Polšču, niahledziačy na sankcyi
Novy pakiet sankcyj Jeŭrasajuza suprać Rasii ŭzhadnić nie ŭdałosia, tarmozić adna kraina
Bo kali paśla samapierapryznačeńnia pucina ŭ rasiei paskorycca devalvacyja, to impartnyja ekvadorskija banany stanuć niedasiažnymi dla bolšaści rasiejskaha nasielnictva, tamu ekvadorski ekspart bananaŭ pamienšycca ŭ lubym vypadku.
Indyja kampiensavać ekvadorskija pastaŭki bananaŭ niazdolnaja, bo ŭsio sama i źjadaje.
Vyroščavańnie bananaŭ u rasiei - absurd. Banan - kultura trapičnaja, a ŭ rasiei płošča subtropikaŭ - heta vuzki kavałak čarnamorskaha bierahu kala Sočy, i jon ledź nie całkam zaniatyj turystyčnaj infrastrukturaj.
Tearetyčna mahčymy varyjant z Abchazijaj, ale hledziačy na jakaść tamtejšych mandarynaŭ, jakija mocna sastupajuć navat tureckim - vielmi sumnieŭna, što heta mafijoznaje prarasiejskaje stvareńnie zdolnaje arhanizavać vyroščvańnie i sbor bananaŭ pa sučasnych technałohijach.