Pavodle infarmacyi Bild, takija pieramovy sapraŭdy išli. U ich udzielničali Maskva, Vašynhton i Bierlin. Uładzimir Pucin chacieŭ atrymać rasijskaha ahienta Vadzima Krasikava, jaki siadzić u turmie ŭ Hiermanii. Pavodle Bild, abmiarkoŭvałasia, što ŭ abmien Pucin vyzvalić Navalnaha. 

«Alaksiej Navalny pavinien byŭ voś-voś vyjści na volu», — piša ahladalnik Bild Filip Piataŭ. 

Vadzim Krasikaŭ byŭ prysudžany da pažyćciovaha źniavoleńnia za zabojstva byłoha čačenskaha palavoha kamandzira Zielimchana Chanhašvili. Mienavita na jaho namiakaŭ Pucin u intervju amierykanskamu žurnalistu Takieru Karłsanu. 

U kancy sustrečy Karłsan spytaŭ u Pucina pra los žurnalista The Wall Street Journal Evana Hierškoviča, jaki byŭ zatrymany ŭ Rasii hod tamu nibyta pa padazreńni ŭ špijanažy. 

«Evan Hierškovič, jamu 32 hady, amierykanski žurnalist, jon znachodzicca ŭ źniavoleńni ŭžo bolš za hod, heta vialikaja historyja ŭ ZŠA. Ja chaču spytać u vas: vy hatovy ŭ jakaści žestu dobraj voli vyzvalić jaho, dla taho kab my advieźli jaho ŭ ZŠA?» — spytaŭ Karłsan. 

«My stolki zrabili žestaŭ dobraj voli, što, mnie padajecca, my vyčarpali ŭsie limity. Nam nichto na žesty dobraj voli anałahičnymi žestami ni razu nie adkazaŭ. Ale my, u pryncypie, hatovy havaryć pra toje, što nie vyklučajem taho, što my možam heta zrabić pry sustrečnym ruchu z boku našych partnioraŭ. 

I kali ja kažu «partnioraŭ», ja maju na ŭvazie najpierš pradstaŭnikoŭ śpiecyjalnych słužbaŭ. Jany ŭ kantakcie pamiž saboj, i jany abmiarkoŭvajuć hetuju temu. U nas niama tabu na toje, kab nie raźviazać hetuju prablemu.

My hatovy jaje vyrašać, ale tam jość peŭnyja ŭmovy, jakija abmiarkoŭvajucca pa partniorskich kanałach pamiž śpiecsłužbami. Mnie zdajecca, što možna pra heta damovicca», — adkazaŭ Pucin.

Čytajcie taksama:

«Uvieś śviet dziviŭsia, u jakich umovach trymali Navalnaha»: były źniavoleny nahadaŭ pra realii palitviaźniaŭ u Biełarusi

«Sindrom raptoŭnaj śmierci». Źjaviłasia novaja viersija, ad čaho pamior Navalny

Kamanda Navalnaha zajaviła, što jaho cieła niama ŭ morhu ŭ Salechardzie

Клас
5
Панылы сорам
3
Ха-ха
3
Ого
2
Сумна
3
Абуральна
28