U Sievierskim rajonie Krasnadarskaha kraju na terytoryi Ilskaha naftapierapracoŭčaha zavoda adbyŭsia pažar, piša «Nastojaŝieje vriemia».

Uzharańnie adbyłosia kala 2:00 hadzin nočy, da 3:00 hadzin adkrytaje hareńnie było likvidavana słužbami zavoda. Paciarpiełych niama, pryčyny zdareńnia vyśviatlajucca.

Pavodle źviestak telehram-kanała «Ostorožno, novosti», žychary da hetaha paviedamlali ŭ sacsietkach ab sieryi vybuchaŭ i hukach dronaŭ, jakija laciać. Telehram-kanał Shot piša, što Ilski NPZ atakavaŭ bieśpiłotnik, na miescy zdareńnia byŭ mocny pažar.

U Minabarony Rasiei zajavili, što siły SPA źniščyli i pierachapili za noč 19 bieśpiłotnikaŭ nad Krasnadarskim krajem, a taksama nad Kurskaj, Branskaj i Arłoŭskaj abłaściami i akvatoryjaj Čornaha mora.

U Arłoŭskaj vobłaści čatyry drony sprabavali atakavać abjekty paliŭna-enierhietyčnaha kompleksu, ale byli źbityja. Paciarpiełych niama, paviedamiŭ hubiernatar rehijonu Andrej Kłyčkoŭ.

Ab adnym źniščanym nad Branskim rajonam bieśpiłotniku napisaŭ hubiernatar Branskaj vobłaści Alaksandr Bahamaz.

Ilski NPZ zajmajecca zachoŭvańniem i pierapracoŭkaj syraviny, a taksama adhruzkaj hatovaj pradukcyi. Letaś zavod niekalki razoŭ zaznaŭ ataku dronaŭ.

Čytajcie taksama:

U rasijskim Piermskim krai zahareŭsia hazapravod

Vybuch va Udmurcii ŭłady nazyvajuć «płanavymi vyprabavańniami»

Žychary Ižeŭska paviedamili pra mahutny vybuch u horadzie ci jaho vakolicach

Клас
5
Панылы сорам
0
Ха-ха
0
Ого
0
Сумна
0
Абуральна
0