Uładzimir Pucin. Fota: Mikhail Klimentyev, Sputnik, Kremlin Pool Photo via AP 

Uładzimir Pucin. Fota: Mikhail Klimentyev, Sputnik, Kremlin Pool Photo via AP 

Ujavim dźvie krainy — u adnoj bolš nasielnictva, u druhoj bolšy VUP. Kab u vajnie na źniasileńnie mieć adpaviednyja praciŭniku ŭzbrojenyja siły (z punktu hledžańnia asabovaha składu i ŭzbrajeńnia), krainie z bolšym pa kolkaści nasielnictvam treba addavać mienšy pracent svajho nasielnictva va ŭzbrojenyja siły, ale jana pavinna vydzialać bolš vysokuju dolu svajho VUP.

Kali kožny z supraćlehłych bakoŭ vyłučyć roŭnyja doli asabovaha składu i VUP, to ŭ bolš hustanasielenaj krainy budzie bolš asabovaha składu, ale jon budzie horš asnaščany i ŭ vyniku mienš efiektyŭny.

Jašče padčas Pieršaj suśvietnaj vajny raspracavali padychod, jaki nazyvajecca «zakon kvadrata» (square law). Naprykład, što kali ŭ vas na 10% mienš vojskaŭ, čym u supiernika, to vašy vojski pavinny być bolš čym na 21% efiektyŭniej, kab vyjhrać vajnu na źniasileńnie.

Ekanamist Endru Liliko prapanuje prymianić hety padychod da razhladu siarednieterminovaj pahrozy Rasii dla ES. Rasijskaja ekanomika składaje kala 10% ad pamieru ekanomiki ES. ES vydatkoŭvaje kala 1,3% VUP na svajo vojska, a Rasija niadaŭna pavialičyła svaje vydatki prykładna da 6%. Takim čynam, sychodziačy z suadnosin ekanomik, vajennyja vydatki ES buduć prykładna ŭ dva razy bolšyja, čym u Rasii.

Kanflikt Rasija - NATA Russia-NATO conflict Konflikt Rośsija-NATO

Krynica: telegraph.co.uk

Kali pryniać pad uvahu, što pavieličeńnie vydatkaŭ pryvodzić da bolšaj efiektyŭnaści vojskaŭ, to pavodle «zakonu zvarotnych kvadrataŭ», kali Rasija i Jeŭrasajuz buduć hublać adnolkavuju kolkaść vojskaŭ u bai, to Rasii treba budzie mabilizavać na 40% bolš vojskaŭ, čym Jeŭrasajuzu, kab mieć šaniec na pieramohu.

Abjadnanyja ŭzbrojenyja siły ES naličvajuć kala 1,4 miljona vajskoŭcaŭ. Takim čynam, Rasii spatrebicca kala 2 miljonaŭ vajskoŭcaŭ dla vajny na źniasileńnie. Kali dapuścić, što Rasija budzie napadać, i prymienić kłasičnaje empiryčnaje praviła, pavodle jakoha dla ataki ŭ vajnie nieabchodna pieravaha 1,5:1, Rasii spatrebicca kala troch miljonaŭ čałaviek. U ciapierašni čas u jaje majecca kala 1,2 miljona vajskoŭcaŭ i tearetyčna kala 2 miljonaŭ reziervistaŭ.

Kali pryviedzieny analiz pravilny, piša Liliko, to, kab mieć šaniec supraćstajać abjadnanamu ES, Rasii spatrebicca albo padvoić (ci patroić) svaje ciapierašnija ŭzbrojenyja siły, albo padvoić (ci patroić) svaje vydatki na vojska.

Padvajeńnie vydatkaŭ aznačała b, što Rasii daviadziecca tracić na vojska 12-15% VUP, što adpaviadaje ŭzroŭniu poźniaha Savieckaha Sajuza — heta pryviało savieckuju ekanomiku da kałapsu ŭ 1980-ch hadach. Trochrazovaje pavieličeńnie było b jašče bolš razburalnym.

Na dumku aŭtara, paŭtornaje padvajeńnie abo patrajeńnie vajennych raschodaŭ va ŭmovach sankcyj pryviadzie da bankructva Rasii praź niekalki hadoŭ.

U kancy artykuła ekanamist adznačaje, što Rasija moža pazicyjanavać siabie jak mocnaja kraina i moža pahražać svaim maleńkim, biednym susiedziam ci navat uryvacca ŭ ich. Ale matematyka kaža, što kali havorka idzie pra pahrozu Jeŭrasajuzu, nie kažučy ŭžo pra Vialikabrytaniju, to ŭ vypadku vajennaha sutyknieńnia Rasija prosta nie maje dastatkovych ekanamičnych resursaŭ, kab ujaŭlać surjoznuju pahrozu ŭ siarednieterminovaj pierśpiektyvie.

Čytajcie jašče:

NATA čakaje napadu Rasii praź Biełaruś užo ŭ pačatku 2025 — Bild

Kiraŭnik MZS Polščy: My pavinny adkazać Pucinu na movie, jakuju jon razumieje

Łaŭroŭ: Biełaruś i Rasija plačom da plača adkažuć NATA

Клас
59
Панылы сорам
6
Ха-ха
7
Ого
3
Сумна
1
Абуральна
5

Chočaš padzialicca važnaj infarmacyjaj ananimna i kanfidencyjna?