«Party Sankt-Pieciarburha letaś stali bazavymi punktami dla pieravałki ekspartu biełaruskich hruzaŭ. Znoŭ ža z-za łahistyčnych pieravah, ale pry dziejučaj infrastruktury, u pieršuju čarhu čyhunačnaj, my faktyčna ŭžo dasiahajem stoli hetaj pieravałki, choć ličby vialikija. Jany ŭ razy vyraśli ŭ paraŭnańni z 2021, 2022 hadami. Za minuły hod heta 14,1 młn ton hruzaŭ praz usie rasiejskija party, ź ich 12,9 młn ton — party Sankt-Pieciarburha, heta lvinaja dola», — cytuje Dźmitryja Krutoha BiełTA.

Tamu, pa jaho słovach, inviestycyjnyja płany i Rasijskimi čyhunkami, i Biełaruskaj čyhunkaj na siońniašni momant uzhodnienyja.

«Pieršy etap — budaŭnictva siami raźjezdaŭ, heta značyć adnaŭleńnie raźjezdaŭ, jakija paśla Savieckaha Sajuza byli faktyčna zakansiervavany, ich treba vielmi apieratyŭna i chutka adnavić.

Bazavaja zadača — zabiaśpiečyć da 2025 hoda abjom pieravałki na 15 młn ton našych hruzaŭ, vykarystoŭvajučy party Sankt-Pieciarburha. Dalej pastaŭlena zadača, viadoma, vykarystoŭvać pieravahi Murmanska, Paŭnočnaha marskoha šlachu dla dastaŭki našych hruzaŭ u Kitaj.

Skaračeńnie terminaŭ i biaśpieku hetaha łahistyčnaha maršrutu vidavočnyja. Sami rasiejcy ciapier jaho aktyŭna pačynajuć vykarystoŭvać. Kitajskija łahistyčnyja kampanii pačynajuć jaho taksama vielmi aktyŭna asvojvać, tamu važna ciapier nie vypuścić momant, ubudavacca ŭ hety praces. Takija płany ŭ nas jość, ja dumaju, u pieršym paŭhodździ my pa Murmanskim varyjancie ŭžo kančatkova vyznačymsia», — raspavioŭ Dźmitryj Kruty.

Čytajcie taksama:

Hruzapatok praz zachodniuju miažu źniziŭsia amal na čverć

Tajvań pavialičyŭ štrafy za niezakonny ekspart u Biełaruś bolš čym u 15 razoŭ

Kolki kalijnych uhnajeńniaŭ letaś vyrabiła i ekspartavała Biełaruś

Клас
2
Панылы сорам
0
Ха-ха
0
Ого
0
Сумна
0
Абуральна
1