Uładzimir Pucin. Fota: Contributor Getty Images

Uładzimir Pucin. Fota: Contributor Getty Images

«Voś ciapier tolki z ranicy razmaŭlaŭ z Hienštabam: na adnym z učastkaŭ, viadoma, składanaść situacyi źviazanaja jakraz ź bieśpiłotnymi latalnymi aparatami», — adznačyŭ Pucin.

Na jakim mienavita kirunku i ŭčastku frontu ŭźnikła prablema z-za bieśpiłotnikaŭ, jon nie ŭdakładniŭ.

Dniami akurat vyjšaŭ prahramny artykuł hałoŭnakamandujučaha Uzbrojenymi siłami Ukrainy Valeryja Załužnaha, u jakim jon admysłova padkreśliŭ, što ŭkrainskaje vojska robić staŭku na vykarystańnie BPŁA.

Na pohlad Załužnaha, bieśpiłotnyja i inšyja najnoŭšyja technałahičnyja sistemy zdolnyja vyrašyć šerah klučavych prablem u arhanizacyi i viadzieńni bajavych dziejańniaŭ. Ź ich dapamohaj pavyšajecca stupień bieskantaktnaści i, jak śledstva, źnižajecca ŭzrovień strat i stupień roli tradycyjnych srodkaŭ paražeńnia ŭ vykanańni bajavych zadač. A sami bajavyja dziejańni adbyvajucca z abmiežavanym pryciahnieńniem ciažkaj bajavoj techniki.

Bieśpiłotniki dazvalajuć paražać jak nadvodnyja, tak i padvodnyja siły praciŭnika na ŭsiu hłybiniu teatra vajennych dziejańniaŭ na mory z vysokaj efiektyŭnaściu i minimalnymi ryzykami dla asabistaha składu. Ź ich dapamohaj možna nanosić masiravanyja raptoŭnyja ŭdary pa abjektach krytyčnaj infrastruktury i kamunikacyj praciŭnika biez vykarystańnia darahich i składanych u ekspłuatacyi rakiet i piłatujemaj avijacyi.

Čytajcie taksama:

U baraćbie za inicyjatyvu ŭ vajnie Załužny robić staŭku na bieśpiłotniki

Ukrainskija raźviedčyki źniščyli ŭ Krymie rasijski rakietny katar

Budanaŭ: Ataki bieśpiłotnikaŭ na rasijskuju infrastrukturu mohuć vyraści

Minabarony Rasii paviedamiła pra 21 źbity bieśpiłotnik

Клас
18
Панылы сорам
0
Ха-ха
0
Ого
0
Сумна
1
Абуральна
0