«Mianie zavuć Kraŭčanka Siarhiej. Ja adzin z aktyŭnych udzielnikaŭ strajkamu na pradpryjemstvie «Biełaruśnafta».

U 2015 hodzie, paśla zakančeńnia politechničnaha kaledža, ja ŭładkavaŭsia pracavać ratavalnikam-pažarnikam u MNS Biełarusi. Ale praz 3 hady — u 2018-m —praź niazhodu z kiraŭnictvam ja zvolniŭsia i staŭ prostym elektramancioram na pradpryjemstvie «Biełarusnafta-Pramservis».

Paśla vybaraŭ u žniŭni 2020 hoda, kali 9, 10 i 11 žniŭnia siłaviki rabili absalutnaje biezzakońnie, ja nie zmoh zastacca ŭbaku. My z žonkaj pryniali rašeńnie chadzić na maršy i ŭdzielničać va ŭsich mahčymych aktyŭnaściach — stajać u łancuhach salidarnaści, raspaŭsiudžvać ulotki, raskazvać blizkim i kaleham pra toje, što adbyvajecca ŭ krainie.

Paśla niezakonnaj «inaŭhuracyi» Łukašenki ja zapisaŭ videazvarot da kaleh, u jakim zaklikaŭ ich nie bajacca represij, być salidarnymi, aktyŭna vykazvać svaju pazicyju i ŭdzielničać u zabastoŭkach. Toje videa vyklikała rezanans na pradpryjemstvie, i načalstva vyklikała mianie na schod, kab zładzić štości nakštałt «tavaryskaha sudu» ŭ najlepšych savieckich tradycyjach. Adnak kalehi papiaredzili mianie, što na samoj spravie pad vyhladam «schodu» rychtujecca majo zatrymańnie, i što «sutkami» ja nie abydusia — mnie śviaciła kryminalnaja sprava za zaklik da zabastoŭki.

Paśla hetaha sa mnoj źviazalisia pradstaŭniki fondu «Kraina dla žyćcia», paćvierdzili infarmacyju ab zatrymańni, jakoje rychtujecca, i prapanavali evakuiravacca ŭ Litvu. My z žonkaj usio ŭzvažyli, sabrali dziaciej, rečy i źjechali ŭ nieviadomaść.

Na novym miescy ja zajmaŭsia tym, što daviedvaŭsia ab prablemach na svaim pradpryjemstvie, źviazvaŭ ludziej adno z adnym, raskazvaŭ praŭdu pra toje, što adbyvajecca, i padrychtoŭvaŭ hlebu dla ahulnanacyjanalnaj zabastoŭki. Było ciažka, bo paralelna treba było jašče ŭładkoŭvać pobyt i zabiaśpiečvać siabie i svaju siamju. Ale, na maju dumku, atrymałasia niadrenna, bo mnohija chłopcy z pradpryjemstva, u tym liku dziakujučy majoj dapamozie, dałučylisia da zabastoŭki.

Ciaham troch hadoŭ paśla vymušanaj emihracyi maja žonka i dzieci atrymali ŭciakactva. Ja na prytułak nie padavaŭsia, bo tut dziejničaje praviła — čałaviek, jaki čakaje na ŭciakactva, nie moža pracavać. A ja sabie takoha dazvolić nie moh — treba było zabiaśpiečvać siamju.

U 2023 hodzie ŭ červieni ja, jak zvyčajna, padaŭsia na dazvoł na žycharstva pa ŭźjadnańni ź siamjoj. Adnak praz naležny termin čakańnia ja nie atrymaŭ adkazu na svajo prašeńnie. Kab zakryć pytańnie, ja pryjšoŭ u mihracyju, dzie mnie biezalternatyŭna skazali padavacca na ŭciakactva. U toj samy dzień mianie zatrymali na 48 hadzin i paviedamili, što ja źjaŭlajusia pahrozaj nacyjanalnaj biaśpiecy Litvy.

Paśla hetaha mianie vyvieźli ŭ łahier dla ŭciekačoŭ, dzie adbyŭsia sud, paśla jakoha mianie adpuścili dadomu čakać rašeńnia pa zapycie na ŭciakactva. Jašče praz paŭhoda mnie pryjšła admova — sprava ŭ tym, što z 2015 pa 2018 hod ja pracavaŭ ratavalnikam-pažarnikam.

Užo bolš za 7 miesiacaŭ ja znachodžusia biez pracy i vymušany prasić dapamohi, kab naniać advakata i asprečyć pryniataje rašeńnie.

Suma zboru:

€3000

takuju sumu zapytaŭ advakat, jaki budzie dapamahać z apielacyjaj i vieści spravu.

Dapamahčy praz Bajsoł

Клас
5
Панылы сорам
7
Ха-ха
3
Ого
3
Сумна
5
Абуральна
31