Śviatłana Cichanoŭskaja i Maja Sandu. Fota: Ofis Śviatłany Cichanoŭskaj

Śviatłana Cichanoŭskaja i Maja Sandu. Fota: Ofis Śviatłany Cichanoŭskaj

Dziesiać hadoŭ tamu «Naša Niva» pisała pra siarednija zarobki ŭ postsacyjalistyčnych dziaržavach. Biełaruś tady išła na trecim miescy z kanca, abhaniajučy tolki Ukrainu i Małdovu. Pryčym naša kraina apiaredžvała Małdovu na 60%. Što źmianiłasia za nastupny čas?

Situacyja va Ukrainie pa-raniejšamu składanaja, było b dziŭna, kab zarobki padskočyli na fonie vajny.

A voś u Małdovie zarobki ŭžo vyšejšyja, čym u Biełarusi. Davajcie paraŭnajem.

Biełstat pracuje chutčej i efiektyŭniej za kaleh z Małdovy, u našaj krainie ŭžo padličanyja zarobki za śniežań 2023 hoda, a ŭ Małdovie pakul tolki apublikavali danyja za treci kvartał 2023 hoda. Što ž, daviadziecca aryjentavacca mienavita na hetyja ličby.

U trecim kvartale siaredni zarobak u Małdovie składaŭ 12 357,2 leja «brudnymi». Paśla vyličeńnia padatkaŭ na rukach zastajecca 9 895,64 leja. Heta $552 pa siarednim aficyjnym kursie leja.

Što ŭ Biełarusi? Za toj samy pieryjad siaredni zarobak «brudnymi» dasiahnuŭ 1945,1 rubla. Heta 1672,78 rubla «čystymi». Albo $532 pa aficyjnym kursie.

Pryčym pieramoha Małdovy była zafiksavanaja tolki letaś. Jašče ŭ 2022 hodzie Biełaruś pieramahała Małdovu pa čystym zarobku — $535 i $446 «čystymi» adpaviedna.

Ekanamičny skačok u Małdovie adbyŭsia pad kiraŭnictvam prezidenta Mai Sandu. Jana abrała kurs na ščylnuju intehracyju ź ES, u 2022 kraina padała zajaŭku na dałučeńnie da arhanizacyi.

Čytajcie taksama:

U Biełarusi źnikaje małdaŭskaje vino. Imavierna, praz palityku

Rada ES vyrašyła pačać pieramovy z Ukrainaj i Małdovaj ab ustupleńni ŭ Jeŭrasajuz

U Małdovie zabłakujuć 22 rasijskija internet-miedyja. Uklučna z NTV, Pieršym kanałam i RT

Клас
45
Панылы сорам
6
Ха-ха
9
Ого
2
Сумна
2
Абуральна
4