Fota: Dziaržaŭny pamiežny kamitet
U sieradu ŭrad Litvy ŭchvaliŭ prapanovu padoŭžyć abmiežavańni, jakija dziejničajuć u dačynieńni da hramadzian Rasii jašče na adzin hod, a taksama pastrožyć pravierku biełaruskich hramadzian, jakija pierasiakajuć miažu, paviedamlaje LRT.
«U vypadkach pierasiačeńnia miažy hramadzianami Respubliki Biełaruś pa šenhienskaj vizie supracoŭniki Dziaržaŭnaj pamiežnaj słužby abaviazany dadatkova acanić ryzyki i pry nieabchodnaści pravieści bolš detalovuju pravierku», — havorycca ŭ tłumačalnaj zapiscy da zakonaprajekta.
Viasnoj minułaha hoda Siejm uvioŭ nacyjanalnyja sankcyi suprać hramadzian Rasii i Biełarusi. Zakonaprajekt ab abmiežavalnych mierach z-za vajennaj ahresii suprać Ukrainy zrabiŭ bolš strohim paradak pradastaŭleńnia pastajannaha abo časovaha dazvołu na žycharstva, vydačy viz i zabaraniŭ pieramiaščeńnie hramadzian Rasii praź źniešniuju miažu Jeŭrapiejskaha sajuza (ES).
