Rasijanin z partyi Hajdukieviča

Kirył Harškoŭ. Fota ź jahonaj staronki «Ukantakcie»

Kirył Harškoŭ. Fota ź jahonaj staronki «Ukantakcie»

Kiryłu Harškovu 18 hadoŭ. Naradziŭsia jon u rasijskim Vałhahradzie, ale dziacinstva pravioŭ u Babrujsku. Tam byŭ aktyvistam BRSM i siabram moładzievaha parłamienta.

Ciapier chłopiec, miarkujučy pa śpisach abituryjentaŭ, vučycca na płatnym adździaleńni ŭ Mižnarodnym instytucie «MITSO» pa śpiecyjalnaści «Ekanamičnaje prava» (praŭda, u śpisach kandydataŭ jon paznačany jak biespracoŭny, tamu moh užo i adličycca). Ale i praŭładnyja aktyŭnaści nie zakinuŭ — na staronkach u sacsietkach publikuje «patryjatyčnyja» fota z čyrvona-zialonym ściaham.

Kirył Harškoŭ. Fota ź jahonaj staronki «Ukantakcie»

Kirył Harškoŭ. Fota ź jahonaj staronki «Ukantakcie»

Miarkujučy pa padpiskach chłopca ŭ sacyjalnaj sietcy «Ukantakcie», jon zajmaje prarasijskuju pazicyju. Siarod jahonych padpisak — «Ja žyvu ŭ Rasii i mnie nie soramna», «Infarmacyjnaja padtrymka Pucina», «Armija Z» dy jašče dziasiatki pablikaŭ takoha kštałtu.

Padpiski Kiryła Harškova «Ukantakcie»

Padpiski Kiryła Harškova «Ukantakcie»

Praŭda, i adpačynak u Jeŭropie chłopcu padabajecca. Na jahonaj staroncy «Ukantacie» jość fota z šerahu krain Jeŭrasajuza, siarod jakich Italija i Hiermanija.

Kirył u Italii. Fota z «Ukantakcie»

Kirył u Italii. Fota z «Ukantakcie»

Chłopiec bałatujecca ad partyi ŁDPB, jakuju ŭznačalvaje Aleh Hajdukievič, pa Karžanieŭskaj akruzie ŭ Kurasoŭščynie.

Pravasłaŭny kamunist Dźmitryj Šamonin

Dźmitryj Šamonin (z pravaha boku) z danosčycaj Volhaj Bondaravaj

Dźmitryj Šamonin (z pravaha boku) z danosčycaj Volhaj Bondaravaj

Dźmitryj Šamonin — druhi pa ŭzroście siarod kandydataŭ u miascovyja deputaty. Chłopcu 20 hadoŭ.

Jon minčuk i vypusknik liceja №1 Minska, jaki zakryli z padačy byłoha ministra adukacyi Ihara Karpienki ŭ śniežni 2021-ha. Apošni vypusk ź liceja adbyŭsia ŭ mai 2023-ha.

Ciapier Dźmitryj vučycca na trecim kursie miechanika-matematyčnaha fakulteta BDU.

Šamonin na prarasijskim mitynhu ŭ Minsku. Fota ź jahonaj staronki «Ukantakcie»

Šamonin na prarasijskim mitynhu ŭ Minsku. Fota ź jahonaj staronki «Ukantakcie»

Šamonin — uzorny małady jabaćka. Jon vinšuje padpisantaŭ svaich staronak z rasijskimi i kamunistyčnymi śviatami dy ŭdzielničaje va ŭsich mahčymych akcyjach prarasijskich siłaŭ. Naprykład, asabliva adznačaje Dzień adzinstva narodaŭ Rasii i Biełarusi, a taksama anałahičnyja daty.

Ale pohlady Dźmitryja vielmi supiarečlivyja, razabracca ŭ ich niaprosta. Jon zajmaje adkryta prarasijskuju pazicyju. Ź inšaha boku, pazicyjanuje siabie jak antyfašyst i prychilnik kamunistyčnych pohladaŭ.

Skrynšot sa staronki Dźmitryja Šamonina

Skrynšot sa staronki Dźmitryja Šamonina

Jość u jaho ŭ sacsietkach i antyŭkrainskija pasažy.

Skrynšot sa staronki Dźmitryja

Skrynšot sa staronki Dźmitryja

A taksama sardečnaje vinšavańnie Stalinu z dniom narodzinaŭ.

Skrynšot sa staronki Dźmitryja

Skrynšot sa staronki Dźmitryja

Pry hetym chłopiec nie zabyvaje vinšavać padpisantaŭ z pravasłaŭnymi śviatami.

Skrynšot sa staronki Dźmitryja

Skrynšot sa staronki Dźmitryja

Siarod dopisaŭ na staronkach Dźmitryja, naprykład, jość adnačasova zakliki zmahacca ź biełaruskaj movaj (i asabliva z łacinkaj) i vinšavańni z Dniom rodnaj movy.

Skrynšot sa staronki Dźmitryja «Ukantakcie»

Skrynšot sa staronki Dźmitryja «Ukantakcie»

I mudrahielistyja cytaty ŭłasnaha vyrabu.

Cytaty Dźmitryja Šamonina. Fota ź jahonaj staronki «Ukantakcie»

Cytaty Dźmitryja Šamonina. Fota ź jahonaj staronki «Ukantakcie»

A taksama cytata Łukašenki, jakuju niepadrychtavany čytač moža ŭspryniać jak kramolnuju.

Skrynšot sa staronki Dźmitryja «Ukantakcie»

Skrynšot sa staronki Dźmitryja «Ukantakcie»

Dźmitryj Šamonin bałatujecca ŭ miascovyja deputaty ad Kamunistyčnaj partyi pa minskaj Viaśnianskaj vybarčaj akruzie. Heta mikrarajony Viaśnianka i Ržaviec, žyllo top-čynoŭnikaŭ.

Čytajcie taksama:

Samy małady kandydat u deputaty — 23-hadovaja dziaŭčyna ad partyi Hajdukieviča FOTA

Arhanizatar aŭtaprabiehaŭ za Łukašenku pajšoŭ na vybary biez dazvołu źvierchu. Jaho navat nie zarehistravali

Namieśnika Karpienki zvolnili pierad samymi vybarami. Pryčyna niezvyčajnaja

Клас
5
Панылы сорам
22
Ха-ха
4
Ого
2
Сумна
5
Абуральна
23