U majsterni. Fota: Hramadzianskaja hvardyja Ispanii
Infarmacyja pra padpolny ramontny aŭtaservis, dzie vykarystoŭvajuć pracu nielehalnych rabotnikaŭ, pastupiła ŭ palicyju ŭ kancy listapada 2023 hoda.
Pravierka pakazała, što vytvorča-składskoje pamiaškańnie arandavaŭ 42-hadovy biełarus, jaki vałodaje kampanijaj pa kupli-prodažy aŭtamabilaŭ. Da jaho raniej užo ŭźnikali pytańni z-za padroblenaj dakumientacyi. U arandatara taksama byŭ partnior — 48-hadovy biełarus.
U majsterni palicyja znajšła transpartnyja srodki roznaj stadyi ramontu i 161 numarny transpartny znak Ispanii i inšych krain Jeŭropy — ich vyvučajuć.
Akramia taho, u majsterni vyjavili troch rabotnikaŭ — biełarusaŭ, jakija znachodziacca na nielehalnym stanoviščy. Pa źviestkach palicyi, jany pracavali tut za ježu i adzieńnie i žyli ŭ hetym ža pamiaškańni.
U adnosinach da 42-hadovaha i 48-hadovaha biełarusaŭ 5 śniežnia raspačali rasśledavańnie pa padazreńni ŭ parušeńni pracoŭnaha zakanadaŭstva.
Čytajcie taksama:
U Hiermanii adzin biełaruski dalnabojnik pierajechaŭ inšaha
Nieviadomyja abstralali ź pnieŭmatyki aŭtobusy pad Minskam
U Jeŭrasajuzie mohuć admianić zabaronu na prodaž dyzielnych i bienzinavych aŭto z 2035 hoda
