Praz što razhareŭsia syr-bor?
Byłaja načalnica pieradvybarnaha štaba Śviatłany Cichanoŭskaj, Maryja Maroz razam ź joj źjechała ŭ Litvu ŭ žniŭni 2020 hoda. Jana ŭznačaliła fond «Kraina dla žyćcia», ale paśla syšła z palityki. Dniami žančyna vykłała historyju ŭ instahram, dzie padzialiłasia radaściu ad kupli aŭto — patrymanaj Tesla Model 3.
Fota: skrynšot historyj u instahram-akaŭncie Maryi Maroz. Kałaž «Naša Niva»
«A jašče nas možna pavinšavać z doŭhačakanaj pakupkaj. U płanach była kupla aŭto ŭ 2023 hodzie, i my jaje kupili ŭ śniežni, ale tolki siońnia pieraaformili i možam katacca», — raskazała jana ŭ historyi.
Hety fakt aburyŭ karystalnicu tvitara ź niknejmam «Ksiušańka».
«Na ŚMI ŭ nas niama hrošaj, a na Tesły jość. Nie toje, kab Tesła była čymści nievierahodnym, prosta krynica dachodu hetaj parački mnie, na žal, viadomaja. Ci varta kazać, što ŭ maich kalehaŭ u adzinak darahija tački. Nienavidžu ličyć čužyja hrošy, ale jašče bolš padvojnyja standarty», — havorycca ŭ dopisie.
Fota: skrynšot z sajta twitter.com
Na momant padrychtoŭki materyjała dopis nabraŭ amal 15 tysiač prahladaŭ i kala 20 kamientaroŭ. Častka tvitara padtrymlivaje aŭtarku, inšyja nie bačać ničoha nadzvyčajnaha ŭ nabyćci «Tesły».
«Ludzi mohuć pisać, što chočuć»
U kamientary «Našaj Nivie» Maryja Maroz paćvierdziła, što niadaŭna sapraŭdy stała ŭłaśnicaj ŭžyvanaj Tesla Model 3.
«My zaŭsiody pracavali i praciahvajem pracavać. U Biełarusi taksama nie žyli ad zarobku da zarobku i ciapier nie žyviem. My 12 hadoŭ zajmalisia biznesam, u nas była čatyrochpakajovaja kvatera ŭ stalicy i dom pad Minskam. Taksama ŭ Biełarusi ŭ nas było dva mikraaŭtobusy i dobraja lehkavaja mašyna», — kaža Maryja.
Ź jaje słoŭ, u Polščy jany z mužam ciapier taksama zajmajucca biznesam, pracujuć jak z palakami, tak i ź mihrantami.
Datyčna aktyŭnaha abmierkavańnia ŭ tvitary Maryja kaža, što ludzi mohuć pisać, što chočuć. Maroz taksama adznačaje, što ŭ fondzie «Kraina dla žyćcia» jana nie pracuje ŭžo bolš za dva hady.
«Treba dać ludziam mahčymaść paabmiarkoŭvać, pazajzdrościć, kali jany hetaha chočuć. Ja liču, takim čynam jany marnujuć svaju enierhiju na zajzdraść, a nie na karyść dla svajoj siamji.
Ja stvaryła jutub-kanał «Žančyny pro», dzie my šmat havorym pra toje, da čaho pryvodzić zajzdraść i chiejt, a da chiejtu ŭ moj adras ja całkam pryvykła», — dadała Maryja Maroz.
Što za mašyna i kolki takija kaštujuć?
Tesla Model 3. Fota: av.by. Zdymak nosić ilustratyŭny charaktar
Prodažy Tesla Model 3 startavali ŭ 2017 hodzie. Ciapier ceny na patrymanyja aŭtamabili ŭ Polščy pačynajucca sa 100 tysiač złotych, heta kala $25 tysiač.
Čytajcie taksama:
«Byŭ strach, što padarviomsia ŭ mašynie razam sa Śviatłanaj». Znajomimsia z Maryjaj Maroz, jakaja žyvie ź Cichanoŭskaj u Vilni i kiruje novym fondam (archiŭny materjał za 2021 hod)
Nakolki zručna karystacca elektrakarami ŭ Biełarusi? Spytali ŭ aŭtaamataraŭ
