Anatol Šaryj Anatolij Šarij Anatoly Shariy

Anatol Šaryj. Skryn videa SuperSharij / YouTube

Ukrainski žurnalist i videabłohier Anatol Šaryj viadomy svajoj prarasijskaj pazicyjaj i krytykaj uładaŭ Ukrainy. Jaho jutub-kanał maje amal 2,9 miljona padpisčykaŭ. Błohier rehularna traplaje ŭ kanflikty i razborki.

Jak piša internet-vydańnie «Fantanka», sieryja naŭmysnych padpałaŭ u kancy 2023 — pačatku 2024 hoda zafiksavana ŭžo ŭ šaści rasijskich rehijonach. U Pieciarburhu i Leninhradskaj vobłaści paciarpieła majomaść siamji i siabroŭ kryptabłohiera Piatra Łunieva, u Staŭrapali — kvatera baćkoŭ maskoŭskaj žurnalistki Paliny Reutavaj, a ŭ Maskvie, Padmaskoŭi i Čelabinsku prylatała pa maderatarach telehram-kanała «Trucha Barsiełona», jaki pastajanna vyśmiejvaje błohiera. Usich paciarpiełych źviazvaje kanflikt z Anatolem Šaryjem, jaki znachodzicca ŭ Ispanii.

Na hety raz padpał pryvioŭ da trahiedyi, pra padrabiaznaści jakoj raspavioŭ telehram-kanał SHOT.

Pažar v Stupino Pažar u Stupina Pazhar at Stupino

Pažar u Stupinie. Fota: telehram-kanał SHOT

Pažar u padmaskoŭnym Stupinie adbyŭsia nočču 22 studzienia. U im poŭnaściu zhareŭ draŭlany dom i byli paškodžany dva susiednija. Paśla taho, jak patušyli pažar, u domie było znojdziena abharełaje cieła 73-hadovaj haspadyni. Śledčyja vyśvietlili, što padpał adbyŭsia ad butelki z kaktejlem Mołatava, jakaja patrapiła ŭ dom praz akno.

Praz dva dni byli zatrymanyja padazravanyja. Imi akazalisia dvoje chłopcaŭ — 17 i 18 hadoŭ — i 16-ci hadovaja dziaŭčyna. Usie jany žychary padmaskoŭnaj Kałomny. U Stupinie, jakoje znachodzicca za 70 km ad ich horadu, maładyja ludzi pryjechali śpiecyjalna.

Jak jany sami raspaviali śledčym, zamova na padpał pastupiła praź miesiendžar. Metaj padpału była maderatar ukrainskaha pabliku «Trucha Barsiełona» pa imieni Ludmiła.

Pa papiarednich danych, žančynu sprabavali spalić 5-6 razoŭ tyja ž padletki. U vyniku padpałaŭ ciarpieła jaje nieruchomaść, adrasy jakoj dasyłalisia zakazčykam. A voś u Stupinie banda pramachnułasia. Jak paviedamlajecca, piensijanierka, što zahinuła, davodzicca ciotkaj toj samaj maderatarcy Ludmile.

Jak piša SHOT, akramia inšych, razhladajecca viersija ab tym, što ŭsie hetyja zamachi — apieracyja śpiecsłužbaŭ Ukrainy pa «ačarnieńni Šaryja». Sam błohier admaŭlaje svaju datyčnaść da złačynstvaŭ.

Čytajcie jašče:

Pažar — u marskim porcie Uść-Łuha Leninhradskaj vobłaści. Rasijskija ŭłady havorać pra ataku ŭkrainskimi bieśpiłotnikami

Prarasijski błohier Šaryj uciok z Ukrainy, ale jaho partyja na vybarach trapiła ŭ top-10. Chto heta i ŭ čym jaho fienomien?

Litva abviaściła ŭkrainskaha prapahandysta Šaryja piersonaj non hrata

Клас
1
Панылы сорам
7
Ха-ха
6
Ого
2
Сумна
1
Абуральна
20

Chočaš padzialicca važnaj infarmacyjaj ananimna i kanfidencyjna?