U adpaviednaści z dakumientam, źnižeńnie kolkaści zamiežnych hramadzian i asob biez hramadzianstva, jakija pastajanna žyvuć u Biełarusi, fiksujecca z 2018 hoda, kali ich było bolš za 173 tys. Užo ŭ 2021 hodzie pad hetuju katehoryju padpadała 171 tys. čałaviek, u 2022 hodzie — bolš za 169 tys. čałaviek, u pieršym paŭhodździ 2023 h. — bolš za 168 tys. čałaviek.

Akramia taho, skaračajecca i kolkaść zamiežnych haściej, jakija časova žyvuć u Biełarusi: u 2021 hodzie — amal 50,3 tys. čałaviek, u 2022 hodzie — bolš za 45 tys. čałaviek, u pieršym paŭhodździ 2023 hoda — 41,5 tys. čałaviek.

Adznačajecca, što pa stanie na 30 červienia 2023 hoda ŭ Biełarusi žyło ŭ cełym kala 210 tys. inšaziemcaŭ, jakija majuć dazvoł na pastajannaje albo časovaje pražyvańnie.

Z 2018 hoda pa lipień 2023-ha ŭ Biełaruś aficyjna pryjechała bolš za 83 tys. pracoŭnych mihrantaŭ.

Pry hetym usio bolš inšaziemcaŭ vybirajuć našu krainu dla atrymańnia adukacyi: kali ŭ 2018/2019 navučalnym hodzie ŭ krainu prybyło z hetaj metaj 23,8 tys.čałaviek, to ŭ 2022/2023 navučalnym hodzie — užo 29,7 tys. čałaviek.

Taksama ŭ dakumiencie paviedamlajecca, što za pieršyja šeść miesiacaŭ 2023 hoda biełaruskaje hramadzianstva nabyli 1989 čałaviek, a admovilisia ad jaho 396 čałaviek.

Čytajcie taksama:

U biełaruskich VNU vučycca 30 tysiač zamiežnikaŭ

Inšaziemiec kraŭ dakumienty ź minskich aŭto. Nie zdahadajeciesia navošta

Miažu Rasii ź Biełaruśsiu zakryli dla ŭsich fur z kiroŭcami-inšaziemcami

Клас
2
Панылы сорам
0
Ха-ха
6
Ого
2
Сумна
0
Абуральна
0