«Takim čynam, ja viarnułasia. Dziakuj tym, chto pisaŭ i piša listy palitviaźniam. Dziakuj tym, chto pisaŭ mnie, u hetym byŭ sapraŭdny paratunak, — napisała ŭ siabie ŭ instahramie Nadzieja Kałač, śpiavačka z hurtu Irdorath. — Raniej u mianie była tradycyja — publikavać adnu asabistuju pieśniu pad Novy hod. Nadyšoŭ čas praciahnuć. Ja vybrała «Mora»: pieśniu, narodžanuju ŭ kałonii. Siońnia jana stanie svabodnaj. Usich Z Novym hodam, Nadzieja Irdarat».
Muzykaŭ hurtu «Irdorath» aryštavali za vykanańnie pieśni «Pieramien» na dudzie na demanstracyi za svabodnyja vybary ŭ 2020-m. I Nadziei, i jaje mužu Uładzimiru Kałaču sudździa Alaksandr Jakunčychin prysudziŭ dva hady pazbaŭleńnia voli ŭ kałonii ahulnaha režymu.
Śpieŭ Nadziei Kałač supravadžajecca ščymlivymi vyjavami listoŭ i telehramaŭ, jakija prychodzili joj na Vaładarku.
Čytajcie taksama:
«Pieśnia, jakoj ja raźvitajusia z 2023». Premjera ad Siarhieja Bašłykieviča
