Vizažystka ź Minska padzialiłasia ŭłasnym dośviedam, jak adnosna chutka dabracca z Varšavy ŭ biełaruskuju stalicu:

«Jość cudoŭnaja padkazka ad mianie, chto źbirajecca na Novy hod u Biełaruś: nabyvajecie kvitok na aŭtobus «Varšava — Kalininhrad», a adtul kvitok na ciahnik ci samalot. Usio. Nie treba vam stajać u čarzie 70-80 hadzin. Ja sama tak prajazdžała, u maim vypadku prachod polska-rasijskaj miažy zaniaŭ 2 hadziny».

Darečy, kvitki na ciahnik «Minsk — Kalininhrad» sapraŭdy jość u prodažy — na najbližejšyja dni volnych miescaŭ chapaje. U darozie ciahnik pravodzić dziesiać-dvanaccać hadzin, samyja tannyja kvitki kaštujuć kala 125 rubloŭ.

Samalotam, kaniešnie, atrymajecca, jašče chutčej, ale vielmi niebiudžetna — naprykład, kvitok na rejs «Biełavija» (praciahłaść palotu da Minska — 2 hadziny 40 chvilin) na 27 śniežnia kaštuje prykładna 955 rubloŭ. Jość taksama varyjant ź pierasadkaj − u hetym vypadku pieralot zojmie 13 hadzin, ale ž i košt kvitka bolš pryjemny (prykładna 156 rubloŭ).

Adzin z kamientataraŭ padzialiŭsia ŭłasnym łajfchakam, jak chutka trapić u Biełaruś ź Litvy:

«U razy praściej prajści praź miažu na rovary — voś cudoŭnaja padkazka. Jechaŭ učora praz «Bieniakoni», za 20 chvilin prajšoŭ abiedźvie miažy».

Raniej u ŚMI źjaŭlałasia infarmacyja pra toje, što ŭ listapadzie na litoŭskim baku pamiežniki pačali adpraŭlać ravarystaŭ stajać u adnoj čarzie z mašynami.

Čytajcie taksama:

Čarha na vyjezd — kala 50 hadzin, na ŭjezd — bolš za 40. Jakaja situacyja na biełaruskich miežach ź ES

Kiroŭcy ad adčaju stali sihnalić. Što adbyvajecca na biełaruska-polskaj miažy VIDEA

 «Pra 50 hadzin možna tolki maryć». Kałaps na miežach Biełarusi, miesca ŭ čarzie pradajuć za 250 jeŭra

Клас
11
Панылы сорам
7
Ха-ха
1
Ого
3
Сумна
6
Абуральна
10