U subotu nadvorje ŭ krainie buduć vyznačać atmaśfiernyja franty ad cykłonu z centram nad krainami Bałtyi i chaładniejšaja pavietranaja masa.

Na bolšaj častcy terytoryi krainy projduć śnieh, mokry śnieh, navat doždž. Na asobnych učastkach daroh — hałalodzica. Viecier miescami na zachadzie mocny paryvisty. Tempieratura pavietra na praciahu sutak składzie -4..+1°S.

U Minsku ŭnačy -1°S, praciahłyja apadki (pieravažna mokry śnieh). Udzień -1°S, mokry śnieh. Uviečary znoŭ praciahłyja apadki.

24 śniežnia zachavajecca ŭpłyŭ prachałodnych pavietranych mas z poŭnačy Jeŭropy. Na bolšaj častcy terytoryi respubliki projdzie śnieh, mokry śnieh. Miescami čakajecca słabaja miacielica, na darohach hałalodzica. Viecier miescami mocny paryvisty.

Nočču 0..-5°S, maksimalnaja dniom -3..+2°S. U Minsku ŭnačy i ranicaj praciahłyja apadki (u asnoŭnym mokry śnieh) i minus 2°S, udzień mokry śnieh i minus 3°S.

25 śniežnia, u paniadziełak, śnieh, jaki budzie pierachodzić u doždž. U asobnych rajonach słabaja miacielica i hałalod, nočču i ranicaj na darohach hałalodzica. Viecier ranicaj i dniom na bolšaj častcy terytoryi krainy mocny paryvisty. Tempieratura pavietra minimalnaja nočču 0…-7°S, maksimalnaja dniom składzie ad +1°S na paŭnočnym uschodzie da +9°S na paŭdniovym zachadzie Biełarusi.

U Minsku mokry śnieh, unačy -3°S, udzień +3°S.

Клас
0
Панылы сорам
2
Ха-ха
0
Ого
1
Сумна
4
Абуральна
1