Ukrainskija vajskoŭcy 72-j miechanizavanaj bryhady słuchajuć malitvu padčas śviatoj liturhii za 10 dzion da Kaladaŭ na pieradavoj pad Vuhladaram. Fota: Valentyn Kuzan / AP

Ukrainskija vajskoŭcy 72-j miechanizavanaj bryhady słuchajuć malitvu padčas śviatoj liturhii za 10 dzion da Kaladaŭ na pieradavoj pad Vuhladaram. Fota: Valentyn Kuzan / AP

Vajenny ahladalnik Juljan Repkie sa spasyłkaj na słovy aficera USU piša, što advajova akupavanych terytoryj nie źjaŭlajecca ciapier asnoŭnaj metaj ukrainskaj armii — pryjarytetam stanovicca i nie abarona ciapierašniaj linii frontu, a źniščeńnie jak maha bolšaj kolkaści rasijskich vajskoŭcaŭ ź minimalnaj kolkaściu strat va ŭkrainskaj armii. 

«Naša meta — damahčysia maksimalna stanoŭčaha kaeficyjenta źniščeńnia», — skazaŭ Bild aficer USU.

Majucca na ŭvazie suadnosiny svaich strat i strat supiernika. «Kali 10 da 1 na našu karyść, my pojdziem dalej, kali 1 da 1, my adstupim», — adznačyŭ jon.

Inšy vajskoviec paćvierdziŭ: «Ciapier užo niama cisku, tamu my prosta imkniemsia da maksimalnych strat supiernika. Pazicyi nie majuć značeńnia, hałoŭnaje, kab bolšaść ukraincaŭ zastalisia žyvyja».

Pra heta kaža i były zachodni vajskoviec, jaki ŭ apošnija hady nieadnarazova kansultavaŭ Ukrainu.

U kamientary dla Bild, jaki jon daŭ na ŭmovach ananimnaści, jon nazvaŭ toje, što adbyvajecca, «pa sutnaści kantralavanym adstupleńniem z bojem».

«Vy stvarajecie minnaje pole i nazirajecie, jak na im hinie jak maha bolš ruskich i źniščajucca ichnija tanki. A kali jany projduć, vy adstupicie na kiłamietr i dazvolicie ruskim zajechać na nastupnaje minnaje pole, jakoje było tym časam ustanoŭlena», — skazaŭ jon.

Za hetaj stratehijaj, na dumku vajskovaha daradcy, staić «nadzieja na dasiahnieńnie kulminacyjnaj kropki, u jakoj rasijski nastup abryniecca».

Utrymańnie ci navat viartańnie terytoryj, kaža daradca, znoŭ stanie pryjarytetam tolki kali rasijskija siły albo straciać dastatkova ludziej i techniki, albo na front prybudzie «zbroja, jakaja źmianiaje praviły hulni», jakaja dazvolić Ukrainie ŭziać inicyjatyvu ŭ svaje ruki.

Takoj zbrojaj źjaŭlajucca, naprykład, «kryłatyja rakiety daradcaŭ, takija jak ATACMS abo Taurus», a taksama «źniščalniki, takija jak F-16 abo JAS 39».

Čytajcie taksama:

Bild apublikavała novuju kartu «płanaŭ Pucina nakont Ukrainy»

Zialenski paviedamiŭ, jakija krainy padajuć Ukrainie novyja pakiety padtrymki

Zialenski nazvaŭ kolkaść suchaputnych vojskaŭ Ukrainy

Клас
54
Панылы сорам
4
Ха-ха
1
Ого
4
Сумна
6
Абуральна
7