Fota: uflgame / Instagram

Fota: uflgame / Instagram

Miljony ad Ranałdu atrymaje biaspłatny futbolny simulatar UFL. Pra hetuju hulniu, jakaja pakul nie źjaviłasia na rynku, kažuć, što jana stvoranaja hiejmierami i zasnavanaja na spraviadlivym padychodzie da futboła, kali na pieršy płan vychodziać navyki hiejmiera. UFL ličać kankurentam znakamitaha futbolnaha simulatara EA Sports FC, jaki raniej vychodziŭ pad nazvaj FIFA.

Ranałdu — adzin z hrupy inviestaraŭ, jakija pieraviaduć 40 miljonaŭ dalaraŭ na raźvićcio UFL. Forvard saudaŭskaha «Al-Nasra» ciopła vykazvajecca pra novy pradukt: «Ja ŭ zachapleńni ad taho, što stanaŭlusia častkaj hetaha prajekta, bo UFL moža stać futbolnaj hulnioj novaha pakaleńnia».

Siarod stvaralnikaŭ UFL — kampanija Strikerz Inc., jakaja ciapier bazirujecca na Kipry, ale maje biełaruskija karani. Jaje kiraŭnik, biełarus Jaŭhien Našyłaŭ, nie mienš rady pasupracoŭničać sa znakamitym partuhalcam: «Toje, što Kryšcijanu Ranałdu dałučajecca da nas jak partnior i inviestar — značny krok napierad i padtrymka našaha bačańnia taho, jak stvaryć viadučuju hulniu dla futbolnych fanataŭ va ŭsim śviecie. UFL imkniecca da inavacyj, technałohij i zabaŭlalnaści, i my bačym vialikija mahčymaści dla taho, kab pracavać u hulniavoj industryi pa-inšamu».

Strikerz Inc. robiać novuju hulniu razam ź biełaruskimi raspracoŭščykami Vizor Games, i raspracoŭka doŭžycca ŭžo siem hadoŭ. Ranałdu źviazaŭsia z prajektam jašče ŭ 2022-m, kali vyjšaŭ pieršy hiejmpłejny rolik UFL. U videa prysutničali virtualnyja dvajniki lepšych futbalistaŭ śvietu: akramia Kryšcijanu, tam źjavilisia Ramełu Łukaku, Rabierta Firmina i Kievin De Brujne.

Što viadoma pra samu hulniu UFL? Čakajecca, što ŭ joj hiejmiery atrymajuć mahčymaść stvarać ułasnyja kłuby i vybirać dla jaje hulcoŭ z bolš čym piaci tysiač licenzavanych futbalistaŭ. Taksama ŭ hiejmieraŭ budzie mahčymaść spaborničać ź inšymi hulcami z usiaho śvietu.

Słohan hulni — «Hulaj biaspłatna, hulaj sumlenna», i raspracoŭščyki abiacajuć, što pośpiech na hulniavym poli budzie zaležać tolki ad navykaŭ hiejmiera. Našyłaŭ kaža: «Vy nikoli nie budziecie abaviazanyja niešta nabyć u UFL, kab dasiahnuć vysokaha ŭzroŭniu i zastavacca kankurentazdolnym».

Data relizu hulni pakul nieviadomaja, ale chutka pačniecca faza jaje zakrytaha testavańnia. Hulnia budzie dastupnaja dla kansolaŭ PlayStation 5 i Xbox Series X i S. Možna budzie atrymlivać usie novyja abnaŭleńni UFL biez dadatkovych vypłat ci štohadovych unioskaŭ.

U čym fienomien futboła ŭ Saudaŭskaj Aravii, kudy za Ranałdu łamanulisia topavyja jeŭrapiejcy

Najlepšy futbalist Biełarusi — viciabčuk z afrykanskimi karaniami. Chto taki Maks Ebonh

Viedajecie, chto abhaniaje «Barsiełonu» ŭ čempijanacie Ispanii? Zaštatny kłub z dvuma ŭkraincami ŭ składzie

Клас
14
Панылы сорам
2
Ха-ха
2
Ого
2
Сумна
2
Абуральна
2

Chočaš padzialicca važnaj infarmacyjaj ananimna i kanfidencyjna?