Kanflikt Aliny i Maryi zaviazaŭsia z-za chłopčyka – ich 14-hadovaha adnakłaśnika Mikity (imia źmieniena). Dziaŭčynki nie mahli jaho padzialić pamiž saboj. Sam chłopčyk taksama byŭ paranieny. Jon i jašče čatyry čałavieki ciapier špitalizavany.
Viadoma, što siastra-bliźnica Aliny — 14-hadovaja Daša — taksama cichonia. Pra stralbu jana ničoha nie viedała. U momant trahiedyi dziaŭčynka była ŭ kabiniecie i nie paciarpieła.
Vučanica himnazii raskazała RIA «Naviny», što dzieci spačatku padumali, byccam niechta bje miačom ab ścianu.
«My pačuli niejkija huki, udary, padumali, što heta miač bjecca ab ścianu, padumali, što fizkultura. Ale nastaŭnica vyjšła ŭ kalidor i kaža: «Nie, heta niešta strašnaje».
Paśla hetaha vučni pačali barykadavacca — chłopčyki zavalili dźviery partami, niechta ź dziaŭčynak patelefanavaŭ pa numary 112.
Zdareńnie adbyłosia ŭ branskaj himnazii № 5. Alina, vučanica 8 «A» kłasa adkryła ahoń padčas uroka bijałohii. Jana padniałasia na čaćviorty pavierch, uvajšła ŭ kabiniet i pačała stralaninu.
Dziaŭčynka paraniła piaciarych, zabiła 13-hadovuju adnakłaśnicu, a potym i siabie. Baćku dziaŭčynki zatrymali.
