Vietkaŭski muziej u tym liku i dziakujučy Piatru Całko byŭ adnoj z najbolš zaŭvažnych i aktyŭnych rehijanalnych muziejnych ustanoŭ.

«Vielizarnaja kolkaść videalekcyj, ekskursij, majstar-kłasaŭ, videa-hutarak — toj kiejs, jakim nie mohuć pachvalicca znakamityja staličnyja muziei, a Vietkaŭski moža, — z sumam adznačajuć u sacsietkach. — Mienavita ŭ Homielskim filijale Vietkaŭskaha muzieja, kali jaje zahadčykam byŭ Piatro, źjaviłasia «Škołka bytavoha tanca». Usie vydatna pamiatajuć «Hukańnie viasny», «Noč muziejaŭ» «Letniki pa tkactvie» i vielizarnaja kolkaść viečaryn, jakija prachodziać u muziei».

Akramia taho, u Vietkaŭskim muziei rupilisia pra papaŭnieńnie fondaŭ unikalnymi ekspanatami. Siarod inšaha muziej abjaŭlaŭ zbory na nabyćcio cikavych pradmietaŭ, i dabivaŭsia ŭ hetym pośpiechu. Tak, u minułym hodzie ŭdałosia takim čynam nabyć ikonu z vyjavaj Božaj Maci, jakaja źjaŭlałasia častkaj Carskaj bramy XIX stahodździa, a dakładniej stvorkaj z navierša bramy.

A sioleta znajšłosia i bolš rańniaje dy poŭnaje navierša z Carskaj bramy. Dźvie stvorki bramy — dźvie ikony z vyjavami Božaj Maci i Archanhieła Haŭryiła. I na heta taksama byŭ abvieščany zbor.

Čytajcie taksama:

Vietkaŭski muziej praciahvaje źbirać hrošy, kab nabyć unikalny pomnik ikanapisu

Muziej u Vietcy źbiraje srodki na ŭnikalny ekspanat XVIII stahodździa

Vietkaŭski muziej atrymaŭ u padarunak ad hamialčanki staradaŭniuju siamiejnuju ikonu

Клас
4
Панылы сорам
5
Ха-ха
0
Ого
2
Сумна
12
Абуральна
27