Hienry Kisindžer. Fota: Evan Vucci /AP

Hienry Kisindžer. Fota: Evan Vucci /AP

Jak abviaściła kansultacyjnaja firma Kisindžer, Kissinger Associates, były dziaržsakratar pamior u svaim domie ŭ štacie Kanektykut.

Hienry Kisindžer jak daradca pa nacyjanalnaj biaśpiecy i zatym dziaržsakratar pry prezidentach Ryčardzie Niksanie i Džeraldzie Fordzie ŭ 1969-1977 hadach byŭ adnym z architektaraŭ palityki razradki ŭ adnosinach z tatalitarnym Savieckim Sajuzam, nahadvaje Bi-bi-si.

U 1973 hodzie jon byŭ uznaharodžany Nobieleŭskaj premijaj miru za svaju rolu ŭ dasiahnieńni Paryžskaha mirnaha pahadnieńnia, jakoje na čas spyniła vajnu ŭ Vjetnamie i, jak mierkavałasia, pavinna było jaje zaviaršyć.

Pohlady Kisindžera na źniešniuju palityku farmavalisia ŭ hady supraćstajańnia dvuch zvyšdziaržaŭ, ZŠA i SSSR, jon byŭ prychilnikam realpolitik — palityki łaviravańnia i pošuku mahčymaha, čaściakom na škodu pryncypam. Takim jon i zastaŭsia da kanca, što nieadnarazova demanstravaŭ u apošnija hady.

Letam hetaha hoda va ŭzroście 100 hadoŭ jon naviedvaŭ Kitaj.

Čytajcie taksama:

Hienry Kisindžeru spoŭniłasia 100 hadoŭ

Kisindžer: majstar hulni ŭ doŭhuju, abo «Usie prystojnyja ludzi pačynali ŭ raźviedcy»

Hienry Kisindžer: Ukrainu treba pryniać u NATA

«Ideja niejtralnaj Ukrainy ŭ isnych umovach užo nie maje sensu». Kisindžer patłumačyŭ, čamu źmianiŭ svaju pazicyju

Клас
2
Панылы сорам
0
Ха-ха
0
Ого
0
Сумна
5
Абуральна
0