Džo Bajden. Fota: Susan Walsh / AP

Džo Bajden. Fota: Susan Walsh / AP

Prezident ZŠA Džo Bajden niekalki hadzin tamu apublikavaŭ u sacsietcy X (raniejšy Twitter) tvit-razvažańnie ab matyvach CHAMAS i vajnie. Farmuloŭki tvita prymusili sacsietki i suśvietnuju presu hadać: zruch heta ŭ palitycy ZŠA adnosna Izraila ci, naprykład, častka pieradvybarnaj kampanii, piša Bi-bi-si.

Tvit, apublikavany ŭ asabistym akaŭncie Bajdena, a nie ŭ aficyjnym tvitary prezidenta ZŠA, pačynajecca z zajavy, što CHAMAS arhanizavaŭ nabieh na Izrail 7 kastryčnika, bo bolš za ŭsio baicca miru pamiž izrailcianami i paleścincami.

«Praciahvać iści šlacham teroru, hvałtu, zabojstvaŭ i vajny — heta značyć davać CHAMAS toje, čaho jon choča. My nie možam hetaha rabić», — dalej abviaščaje zapis Bajdena.

Karespandent Bi-bi-si Trejsi Bičam adznačaje, što ton hetaj repliki mocna adroźnivajecca ad aficyjnych zajaŭ Vašynhtona, jaki padtrymlivaje pazicyju Izraila, pavodle jakoj vajnu nielha spyniać, pakul CHAMAS nie źniščany abo prynamsi nie vyhnany ź siektara Haza.

«Niezrazumieła, ci nie źviartaŭsia Bajden — rychtujučysia da vybaraŭ u nastupnym hodzie — da toj častki ŭnutranaj aŭdytoryi, jakaja nastrojena bolš skieptyčna i krytykuje jaho administracyju za biezumoŭnuju padtrymku Izraila», — adznačaje Bičam.

Karespandent «Al-Džaziry» ŭ Vašynhtonie Peci Kułchiejn taksama adznačaje, što dahetul Bajden vykazvaŭsia pra vojnu ŭ Hazie zusim u inšym tonie.

«A ciapier, kali nasamreč razabrać hetuju zajavu ŭ sacsietcy — jon kaža: CHAMAS choča vajny, my nie možam hetaha dapuścić. Ci maje jon na ŭvazie, što vajna pavinna spynicca? — razvažaje karespandent «Al-Džaziry» i zaklučaje, što zajava Bajdena vyhladaje jak sihnał ab zruchu ŭ palitycy, ale ŭsio ž vyklikaje šmat pytańniaŭ.

Čytajcie taksama:

Izrailski dypłamat: Mir z CHAMAS niemahčymy

Iłan Mask: CHAMAS pavinien być źniščany

Što raspaviadajuć pieršyja vyzvalenyja zakładniki CHAMAS

Клас
12
Панылы сорам
3
Ха-ха
2
Ого
3
Сумна
1
Абуральна
2