Bramnik vyjšaŭ na lod u składzie «Biełfast Džajants» u trecim pieryjadzie, zamianiŭšy asnoŭnaha kipiera. Jaho kamanda atrymała pieramohu nad «Hłazha» ź likam 5: 1. Čech adbiŭ adzin kidok.

Čech źjaŭlajecca rekardsmienam pa kolkaści «suchich» matčaŭ u Anhlijskaj premjer-lizie (APŁ). Za «Čełsi» (2004—2015) były hulec pravioŭ 494 matčy va ŭsich turnirach. U składzie łondanskaha «Arsienała» (2015—2019) Čech zhulaŭ u 139 sustrečach. Bramnik zaviaršyŭ hulniavuju karjeru futbalista ŭ 2019 hodzie. 

U kastryčniku 2006 hoda ŭ matčy suprać «Redynha» ŭ vyniku sutyknieńnia sa Styvienam Chantam jon atrymaŭ vielmi ciažkuju traŭmu hałavy, paśla čaho byŭ vymušany vystupać u śpiecyjalnym šlemie, u vyniku čaho atrymaŭ mianušku «Tankist».

Pietr Čech u finale turnira Liha Jeŭropy «Arsienał» — «Čełsi» ŭ Baku ŭ mai 2019 hoda. «Čełsi» tady pieramoh 4:1. Fota: Luca Bruno / AP

Pietr Čech u finale turnira Liha Jeŭropy «Arsienał» — «Čełsi» ŭ Baku ŭ mai 2019 hoda. «Čełsi» tady pieramoh 4:1. Fota: Luca Bruno / AP

«Biełfast Džajants» — čaćviorty kłub u chakiejnaj karjery byłoha futbolnaha hałkipiera. Da hetaha Čech vystupaŭ taksama za «Hiłfard Fieniks» i «Čełmsfard Čyftejns» ź nižejšych dyvizijonaŭ.

Čytajcie taksama:

Šaranhovič zakinuŭ šajbu, zrabiŭ dva halavyja asisty i dapamoh «Kałhary» pieramahčy «Dałas»

«Toje, što ja ŭsio jašče adna praz 12 hadoŭ, havoryć pra mnohaje». Intervju z udavoj Rusłana Saleja ab žyćci biez muža, dzieciach, kachańni i boli

IICHF uklučyła chakiejnyja zbornyja Biełarusi i Rasii ŭ raskładku Alimpijady-2026. Pry adnoj viadomaj umovie

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?